Tarbiyachi tashkil etishni, yurishni, hazillashishni, quvnoq, jahldor bo’lishni bilishi lozim, u o’zini shunday tutishi kerakki, uning har bir harakati tarbiyalasin

Dars jarayoni texnologik xaritasi

Ishning nomi	Vaqt
I-bosqich Tashkiliy qism	2 daqiqa
II-bosqich O‘tilgan mavzuni takrorlash	3 daqiqa
III-bosqich Yangi mavzu bayoni	15 daqiqa
IV-bosqich Mustahkamlash	20 daqiqa
V-bosqich Dars yakuni va baholash	3 daqiqa
VI-bosqich Uyga vazifa berish	2 daqiqa

Darsning borishi.
I. O’quvchilarda ,,ko’paytuvchilarga ajratish” iborasining ma’nosi haqida tushuncha hosil qilish maqsadida ushbu savollar berilgani ma’qul bo’ladi.

1-savol. ,, Ko’paytuvchilarga ajratish” degan gapni avval ham uchratganmizmi ?

Bunda o’quvchilar ,,Murakkab sonni tub ko’paytuvchilarga ajratish” haqidagi bilim va ko’nikmalarini esga olishlariga erishish Masalan, murakkab son 60 ni tub sonlarning ushbu ko’paytmasi shaklida yozish mumkin: 60=2∙2∙3∙5=2²∙3∙5

2-savol. 98²-97² ayirmani sonlarning kvadratlarini hisoblamay turib hisoblash mumkinmi?

Bunda o’quvchilar a²-b²=(a+b)(a-b) formulani eslab, formula yordamida

98²-97²=(98-97)(98+97)=1∙195=195 hisoblashni bajarishlariga erishish erak. Fikrimcha bu savollarga javob beradigan o’quvchi deyarli barcha sinflarda topiladi.

3-savol. Sonlarni qo’shish va ko’paytirishning taqsimot xossasini ayting.

O’quvchilar tomonidan taqsimot xossasi odatda a∙(b+c)=a∙b+a∙c ko’rinishida keltiriladi.Biror o’quvchidan shu formulani teskari a∙b+a∙c=a∙(b+c) tartibda yozish so’raladi va ana shu tenglikning chap qismida a∙b va a∙c hadlar uchun a soni umumiy ko’paytuvchi ekanini, ana shu yig’indini a∙(b+c) shaklda yozish umumiy a ko’paytuvchini qavsdan chiqarish ekanini ta’kidlash zarur bo’ladi.

II. Ana shu tayyorgarlikdan so’ng:

1) Ko’phad nima ?

2) Ko’phadning hadlari deb nimaga aytiladi ?

kabi savollar bilan o’quvchilarni ko’phad haqidagi bilimlari yodga tushiriladi.

III. Shundan so’ng ko’phadni ko’paytuvchilarga ajratishning usullarining qo’llanilishi navbat bilan bayon etiladi.Savolni o’qituvchi tanlaydi va o’quvchilar masala yechilinishini mustaqil topishlariga erishishga harakat qilishadi.