Tarbiya diagnostikasi va korreksiyasi

3 Suhbat metodi. Pedagogik diagnostikada ushbu metod pedagogik kuzatish jarayonida ega bo‘lingan ma’lumotlarni boyitish, mavjud holatga to‘g‘ri baho berish, muammoning yechimini topishga imkon beruvchi pedagogik shart-sharoitlarni yaratish, tajriba-sinov ishlari sub’ektlarining imkoniyatlarini muammo yechimiga jalb qilishga yordam beradi. Suhbat maqsadga muvofiq holda individual, guruhli hamda ommaviy shaklda o‘tkaziladi. Suhbat jarayonida o‘quvchi- talabaning imkoniyatlari to‘la-to‘kis namoyon bo‘lishiga erishish muhimdir. Buning samarali bo‘lishi uchun quyidagilarga amal qilish maqsadga muvofiqdir.
- maqsaddankelib chiqqan holda suhbat uchun belgilanuvchi savollarning mazmunini aniqlash hamda savollar o‘rtasidagi mantiqiylik va izchillikni ta’minlash ;
- suhbatni o‘tkazish jovi hamda vaqtini aniq belgilash;
-suhbat ishtirokchilari soni to‘g‘risida ma’lum to‘xtamga kelish;
- suhbatdosh to‘risida oldindan muayyan ma’lumotlarga ega bo‘lish;
- suhbatdosh bilan samimiy va ochiq munosabatda bo‘lish;
-suhbatdoshingiz o‘zining fikrlarini erkin va batafsil ayta olishi uchun sharoit yaratish;
- savollarning aniq, qisqa va ravshan berilishiga erishish;
- olingan ma’lumotlarni o‘z vaqtida tahlil qilib borish;
4 Anketa metodi. Pedagogik diagnostikada ushbu metod yordamida pedagogik kuzatish va suhbat jarayonida to‘plangan dalillar boyitiladi. Anketa metodi ham tizimlangan savollar asosida talabalar bilan muloqotni tashkil etishga qaratilgan. Anketa savollariga javoblar ko‘proq yozma ravishda olinadi. O‘rganilayotgan jarayon mohiyatidan kelib chiqqan holda anketa savollari quyidagicha bo‘ladi:
- ochiq turdagi savollar (o‘quvchi-talabalrning erkin va batafsil javob berishlari uchun imkon beradigan savollar)
- yopiq turdagi savollar (o‘quvchi – talabalar “ha” yoki “yo‘q” “qisman” yoki “ijobiy” “salbiy” deb javob berishlari mumkin bo‘ladi.
Anketa metodini qo‘llashda ham bir qatorshartlarga amal qilish lozim bo‘ladi.
1 anketa savollaritadbiq etilayotgan muammoning mohiyatini yoritishga xizmat qilishi lozim
2 anketa savollari yirik hajmli va noaniq bo‘lmasligi kerak
3 anketa savollari o‘quvchi- talabalarning dunyoqarashi yosh va psixalogik xususiyatlarini inobatga olgan holda tuzilishi lozim
4 anketa savollari o‘quvchi talabalar tomonidan to‘la javob berilishini ta’minlovchi vaqtni kafolatlay olishi kerak
5 anketa o‘quvchi talabalrning pedagogik va psixalogik tavsifnomalarini tuzish manbaiga aylantirib yuborilmasligi kerak
6 anketa javoblari muayyan mezonlar asosida puxta tahlil etilishi shart.