Тарқатма материал Хроматографик таҳлил

Тарқатма материал

1. 
   Хроматографик таҳлил – аралашмадаги моддаларни қаттиқ ёки суюқ адсорбентга танлаб шимилишига – адсорбцияланишига асосланган.
   
2. 
   Шимилиш даражаси – сорбатни сорбентга моиллигига боғлиқ.
   
3. 
   Хроматографик таҳлилни туб моҳияти – ажратилувчи моддаларни ҳаракатчан (элюент) ва қўзғалмас фазаларга бўлган моилликлари фарқига кўра турли тезликда харакатланиб ўзаро ажралишидан иборат.
   
4. 
   Адсорбцион хроматография – ажратилувчи моддаларни адсорбцион хусусиятини фарқига кўра ажралиши.
   
5. 
   Тақсимланиш хроматографияси – аралашмадаги моддаларни икки хил ўзаро аралашмас фазада тақсимланиш коэффициентлари фарқига кўра ажралиш.
   
6. 
   Чўктириш хроматографияси – ажратилувчи моддалар ҳосил қилган чўкмаларини эрувчанлигини фарқига кўра ажралиш.
   
7. 
   Чўққи хроматографияси. Чўктирувчи шимдирилган хроматографик қоғозда аникланувчи ионни элюент таркибида вертикал йўналишда силжиши натижасида чўққисимон рангли доғ ҳосил бўлиши.
   
8. 
   Гель хроматография. Бўктирилган гель тўлдирилган колонкадан юқори молекуляр модда эритмаси ўтказилганда уларни молекула массаси (ўлчами) га кўра сараланиши.
   
9. 
   Ион алмашиниш хроматографияси.Таркибида ионоген гуруҳи бўлган юқори молекуляр бирикма (ионит) нинг харакатчан ионларини ундан ўтаётган электролит ионларига алмашинуви.
   
10. 
    Юзавий хроматография – сорбент юзасида бажариладиган хроматография.
    
11. 
    Юпқа қават хроматографияси – аралашмадаги моддаларни харакатчан элюент (эритувчилар аралашмаси) ва пластинкага бир текис ётиштирилган сорбентнинг юпқа қаватида турлича тақсимланиши яъни R_f қийматига кўра ажралиши.
    
12. 
    R_f – сифат таҳлил учун юпқа қават хроматограммасидан олинадиган ўлчам яъни стартдан доғ марказигача бўлган (а) масофани стартдан фронтгача бўлган (в) масофага нисбати.