Taqrizchilar: Geografiya fanlari doktori, professor

«O‘zbekturizm» milliy kompaniyasi 1992 yil 27 iyulda O‘zbekiston Respublikasi Prezidentining PF-447 sonli «O‘zbekturizm milliy kompaniyasini tashkil etish to‘g‘risida»gi farmoni bilan tuzildi.
O‘zbekiston Respublikasi Prezidentining 2003 yil 9 dekabrdag PF-3358 sonli «Respublika organlari tizimida davlat boshqaruvini takomillashtirish to‘g‘risida»gi farmoniga ko‘ra turizm sohasida samarali boshqaruv tizimini ta’minlash maqsadida «O‘zbekturizm» milliy kompaniyasi (bundan keyin kompaniya deymiz) qayta tashkil etildi. Kompaniya turizm sohasida vakolatli davlat organi hisoblanadi va o‘z faoliyat bo‘yicha Vazirlar Mahkamasiga hisob beradi.
Kompaniya O‘zbekiston hududida turizm sohasida yagona davlat siyosatini ishlab chiqishni ta’minlovchi, muvofiqlashtiruvchi bosh organ hisoblanadi.  «O‘zbekturizm» milliy kompaniyasi tizimiga kiradi:

• 
  Samarqand, Buxoro, Xorazm hududiy bo‘limlari;
  
• 
  O‘zbekiston Respublikasi viloyatlari markazidagi sayohat va ekskursiya byurolari DK;  «Respublika ilmiy-o‘quv konsalting markazi» DK.
  

«Xizmat ko‘rsatish va dispetcherlik markaziy boshqarmasi» DK; boshqa mahkamalarga bo‘ysunuvchi tashkilotlar.
Kompaniya o‘z faoliyatini joylarda davlat boshqaruvidagi boshqa organlar, davlat hokimiyati organlari, jamoatchilik tashkilotlari va boshqa tashkilotlar bilan hamkorlikda amalga oshiradi.
Kompaniyaning asosiy vazifalari hisoblanadi:

• 
  Turizm sohasida yagona davlat siyosatini ta’minlash, turistik xizmatlar infrastrukturasini shakllantirishda hamkorlik qilish;
  
• 
  Turizmni rivojlantirish, turistlarni himoya qilish va xavfsizligini ta’minlash, turistik faoliyatning tarmoqlararo va hududlararo davlat dasturlarini amalga oshirish;
  
• 
  Turistik xizmatlarni sertifikatlashtirish;
  
• 
  Turizm sohasida reklama-axborot siyosatini amalga oshirish;
  
• 
  Turizmni rivojlantirish sohasiga xorijiy kreditlar va investitsiyalarni jalb etish, xorijiy mamlakatlar va ularning kompaniyalari bilan tarakkiyotning uzoq muddatli dasturida hamkorlik qilish;
  
• 
  Turizm sohasi uchun kadrlar tayyorlash, ularni qayta tayyorlashga qaratilgan chora-tadbirlarni amalga oshirish, turistik fanlarni rivojlantirishda hamkorlik qilish.