Tanishiv amaliyoti farmatsevtika ishini tashkil qilish. Dorixona qanday bo’limlardan iborat(turadi)

5.dorixona ва uning turlari.
СТЕРИЛЛАШ УСУЛЛАРИ

Стериллаш деб дориларда жуда тез кўпайиб ривожлана оладиган микроорганизмларни батамом йўқ қилишга айтилади. Замонавий стериллаш усулларига қуйидагилар киради:

1. Термик стериллаш усули.

2. Радиацион стериллаш усули.

3. Фильтрлаб стериллаш усули.

4. Кимёвий усул билан стериллаш.

ТЕРМИК СТЕРИЛЛАШ УСУЛИ

Термик стериллаш жараёнида микроб тўқималари протоплазмасининг пирогенетик емирилиши ёки унинг қайтмас коагуляцияси содир бўлади. Шунингдек, уларнинг фермент тизими ҳам шикастланади. Термик усул дорихона, корхона шароитларида кенг қўлланилади. Дори ва уни тайёрлашда ишлатиладиган айрим предметларни стериллаш албатта уларнинг физик-кимёвий хоссаларини ҳисобга олган ҳолда олиб борилади.

Буғ билан стериллаш

Барча микроорганизмлар ва уларнинг споралари қуруқ иссиқликдан кўра нам иссиқликка таъсирчан бўлиши маълум. Шу нуқтаи назардан нам иссиқлик стериллаш учун мақсадга мувофиқ деб топилган. Дори тайёрлаш жараёнида қуйидаги нам иссиқ буғ билан стериллаш усулларидан кенг фойдаланилади: автоклав усули, буғ оқими билан стериллаш.

Автоклав усули

Герметик камерада соф тўйинтирилган буғ ёрдамида атмосфера босимидан юқори босимда (0,11 мПа – 120⁰С, 0,20 мПа - 132⁰ С) моддаларни стериллаш усули автоклав усули деб аталади. Автоклав усули асосий термик стериллаш усули бўлиб хисобланади. Бу усулда стериллаш автоклав деб номланган асбобларда амалга оширилади. Унинг энг содда конструкцияси 16- расмда келтирилган. (1-расм)

Автоклав буғ қозонлари турига кирувчи асбоб хисоб­ланиб, ишлаш жараёни ҳам уларга ўхшашдир. Буғ қозонидаги босим автоклав олд қисмида ўрнатилган мембранали ёки пружинали манометр орқали кузатилади.

Манометр шкаласи техник атмосфера босимига мослаштирилган бўлиб, автоклавдаги буғ босими ташқи босимга тенг бўлган вақтда стрелка нольни кўрсатиб туради. Авто­клавдаги буғ босими бир ат­мосферадан ошгандагина, мано­метр миллари ҳам аста­-секин кўтарила бош­лайди. Демак, манометр атмосфера босимини кўрсатмайди. Манометрда кўрсатилаётган босим автоклавдаги тўлиқ ёки абсолют босим (ата)дан фарқли ўлароқ, ортиқча босим (ати) деб номланади. Манометрик босимдан абсолют боимга ўтиш учун 1чисига 1 атм қўшиш керак. Масалан, манометр кўрсаткичи 1 ати ни кўрсатса, қозондаги абсолют босим 2 ата бўлади. Ҳар бир босим маълум ҳароратга мос келади. Шунинг учун буғ босимини била туриб, уни ҳароратини аниқлаш мумкин. Бунда қуйидаги жадвалдан фойдаланиш мумкин.
Буғ оқими билан стериллаш.
Бу усул билан стерилланганда объект мунтазам буғ оқимида 100 градус ҳароратда 30-60 дақиқа давомида қиздирилади. Бу усулнинг асосий хусусияти шундан иборатки, сув буғига тўйинтирилган буғ объектга тўхтовсиз оқимда юбориб турилади. Унда ҳаводан ном-нишон қолмайди. Кок стерилизатори, инфундир стерилизацион асбоби ёки автоклавда олиб бориладиган бундай стериллаш усули тўхтовсиз оқимли буғда стериллаш усули деб аталади.
Тўхтовсиз оқимли буғда турғунлиги камроқ бўлган дори моддалар эритмаларини стерилланади. Эритма хажми 100мл гача бўлса - 30 дақиқа, 100-500мл гача - 45 дақиқа, 500 – 1000мл - 60 дақиқа стериллаш талаб этилади.