Таълими вазирлиги ўкувчиларни касб-ҳунарга йўналтириш ва психологик-педагогик республика ташхис маркази

3. “Фаоллик” қонуни. «Сиз бирор бир машқни бажаришда иштирок этмаслигингиз мумкин. Бу сиз вазифани бажара олмайсиз дегани эмас, балки сиз четдан туриб кузатмоқчисиз. Бу ҳақида аввалдан маълум қилиш керак бўлади. Лекин гуруҳдан бир кишининг чиқиб кетиши шу гуруҳнинг ишига таъсир қилишини ҳам эътиборга олиш керак бўлади.
4. “Фақат ўз фикрини баён этиш” қонуни. Бу қонун ўзининг фикрини биринчи шахс номидан баён этиш, яъни “Менинг фикримча, мен ҳис қиламан, менинг ўйлашимча...”. Ҳар бир иштирокчи гуруҳниниг бошқа қатнашчиларининг фикрларини билмайди. Гуруҳ номидан гапира олмайди, шунинг учун кўпчилик, яъни “биз” деб бошланадиган фикрлар мумкин эмас.
5. “Гуруҳнинг барча қатнашчиларига ҳайрихоҳ муносабатда, хушмуомала бўлиш” қонуни. Ушбу қонун қуйидагича талқин қилинади: “Барчамизнинг афзаллик томонларимиз ва камчиликларимиз бор. Тренинг вақтида бошқаларнинг хусусиятларига сабрли бўлиш керак. Агар сизни нимадир қониқтирмаса, ҳеч бир иштирокчига зарар етказмаган ҳолда бу ҳақида тренерга маълум қилинг”. Бу қонун айниқса ўсмирлар гуруҳида муҳимдир. Тренинг вақтида бир-бирини фамилияси ва лақаби билан аташ мумкин эмас.
6. “Ўз исмини айтиш” қонуни. Агар тренинг қатнашчилари бир-бирига нотаниш бўлса ҳар бир чиқиш олдидан ўз исмини айтиши керак бўлади.
7. “Мулойимлик” қонуни. Барча қатнашчилар бир-бирларига хушмуомалалик билан ва ўзларини тақдим қилганда айтган исмлари билан мурожаат қилишлари керак бўлади.
8. “Шу ерда ва ҳозир” қонуни. Айни вақтда ва шу ерда бўлаётган жараённинг, шунингдек, қатнашчиларнинг ҳис-туйғулари, кечинмалари ва муносабатларини тренинг доирасида кўриб чиқиш ва уларни келажак ёки ўтмиш билан боғламаслик керак. Бу қоида гуруҳнинг ҳар бир қатнашчисига мазкур тренинг вақтидаги кечинмаларни англаб етиш имконини беради.
9. “Конфиденциаллик” қонуни. “Тренинг вақтида содир бўладиган барча ҳолатлар, вазиятлар фақат шу ерда ва фақат тренинг қатнашчилари билан муҳокама қилинади ва ташқарига чиқмайди”.
Бу қонун тренинг қатнашчиларига ўз фикрларини эркин баён этиш имконини беради.