Talim vazirligi

Sayob – Tog’larning havo xarakatiga ta’sirida yomg’ir ko’p tushadigan, sersuv joy, vodiy boshi.

Sakrama- Daryoning tor tezoqar qismi, ostonatosh, shalola. Daryo o’zani qattiq tog’ jinslarini kesib o’tgan joylarda xosil bo’ladi.

Sangzor-Toshko’p, toshloq joy. Daryolar o’zanida ko’p uchraydi.

Sardoba-Cho’llarda (ayniqsa taqirlarda) yer ustidagi suvlar to’planadigan suv ombori. Ko’pincha suv kam bug’lanishi uchun usti g’ishtin gumbazsimon yopilgan, ba’zilarining suv yerga shimilib ketmasin deb, ostiga xam g’isht yotqizilgan bo’ladi. Ayrim sardobalarda suv yil bo’yi saqlanadi.Xovuzli yerto’lalar xam sardoba deyiladi. O’rta Osiyoda xususan Janubiy O’zbekistonda va Sharqiy Turkmanistonda ko’p uchraydi.Sardoba xovuzining chuqurligi 10-15m, diametri 12-16m, devorining qalinligi 1-1,5 m bo’lgan. Sardoba gumbaziga uch tomondan shamollatish darchasi va tepasiga bitta mo’ri ishlangan.Bular suvning buzilmay saqlanishiga imkon bergan. Sardoba ichi salqin bo’lganligidan darcha eshiklaridan kirgan issiq xavodagi suv bug’lari tomchilarga aylanib, xovuz suvini qo’shimcha to’yintirib turgan.

Sarob - atmosferada nurning noto’g’ri sinib aks etishi (refraksiyasi) xodisasi.S. da ko’rinish (manzara) va predmetlar o’z xolicha xam, teskari xam ko’rinishi mumkin. S. atmosferada xaroratning yuqoriga qarab o’zgarishining to’g’ri xolati juda barqaror yoki nixoyatda beqaror bo’lganda ro’y beradi. S. da predmetlar o’z xaqiqiy joyidan yuqorida xam, pastda xam, yon tomonda xam ko’rinishi mumkin. S. cho’llarda xavo juda qizib ketganda tinch ob-xavoda ko’proq sodir bo’ladi.

Saxro- 1)Yaqin va O’rta Sharq mamlakatlarida, xususan arab va eroniy tillarda cho’l ma’nosida ishlatiladigan atama. Joy nomlari tarkibida xam qo’llaniladi. Masalan Saxroi Kabir; 2) O’zbek tilida, xususan,badiiy adabiyotda cho’l so’zining sinonimi sifatida ishlatiladi; 3) Arktika va Antarktikadagi sovuq qor va muz qoplagan yerlar.