Таълим вазирлиги Ўзбекистон Республикаси

5.6-жадвал Компания кадрлар сиёсати унинг ривожланиш босқичидан келиб

чиқиб ўзгариши

Компания ривожланиш босқичи	Стратегик вазифа	Кадрлар хизмати вазифалари
Юзага келиш	Бизнеснинг шаклланиши	Персонал танлаш, меҳнатга ҳақ тўлаш схемасини белгилаш, кадрлар иш юритишини ташкил қилиш
Ривожланиш	Компания таъсир соҳаларини кенгайтириш, янги бозор сегментларини эгаллаш	Персонални мослаштириш, ўқитиш тизимини шакллантириш ва ривожлантириш, корпоратив маданиятни шакллантириш, кадрлар иш юритиш тизимини такомиллаштири
Гуллаб-яшнаш	Ўз тармоғида етакчилик позициясини ушлаб қолиш	Мотивация, персонални ўқитишни давом эттириш ва ривожлантириш, «жалб этувчан иш берувчи» брендини шакллантириш, корпоратив маданиятни янада такомиллаштири, кадрлар иш юритиши
Пасайиш	Компанияни тугатиш, уни бошқа компания томонидан қўшиб олиш	Аутплейсмент, кадрлар иш юритиши, персонални бошқариш хизмати ишини бош компанияга бериш

Хусусан, юзага келиш босқичида, ташкилотнинг асосий мақсади бозорда бемалол рақобат қилиш мақсадида маҳсулот ишлаб чиқариш ва хизматлар кўрсатиш учун зарур ресурслар излаб топиш бўлганида персонални бошқариш ҳужжатлар айланмаси, мукофотлаш, ишга олиш ва ишдан бўшатишга бориб тақалади. Бунда асосий муаммолар компанияда персонални бошқариш хизмати учун молиявий воситалар йўқлиги, кадрар сиёсатининг узуқ-юлуқлиги ёки умуман йўқлиги ҳисобланади.

Интенсив ўсиш босқичида ташкилот ўз фаолияти натижаларига ўсиб бораётган талабни қондириш учун янги бўлинмаларни яратади ва ташкилий тузилмани ўзгартиради. Ушбу босқичда ходимларни бошқаришнинг асосий вазифалари ходимларни ўқитиш вақтини ва молиявий харажатларини камайтириш мақсадида тегишли малакага эга янги ишчиларни жалб қилишдан иборат. Ташкилотнинг асосий муаммоси - кўп сонли ходимларни жалб қилиш, бу ташкилот ичида турли суб-маданиятларнинг шаклланиши
туфайли мавжуд корпоратив маданиятнинг йўқ қилинишига олиб келиши мумкин.
Барқарорлик билан тавсифланадиган барқарорлаштириш босқичи ишлаб чиқилган кадрлар сиёсати ва бошқарувнинг муайян услубини ўз ичига олади. Ушбу босқичда ташкилотнинг асосий мақсади - бу мослашувчан бўлишга ҳисса қўшадиган ташкилий маданиятни бошқаришдир. Асосий муаммоларга - эришилган даромадлилик даражасини сақлаш, харажатларни, шу жумладан ходимлар харажатларини камайтириш зарурати айланади.
Инқироз босқичи ишлаб чиқариш ҳажмининг пасайиши, барча харажатларнинг минимал даражага тушиши, тўловга қодир эмаслиги ва натижада банкрот бўлиш мумкинлиги билан тавсифланади. Ушбу жараён шунингдек, жамоада ижтимоий-психологик зўриқишнинг кучайиши билан бирга келади, бу маълум чораларни кўришни талаб қилади.