Ta’lim vazirligi

Ishning dolzarbligi. Afsonaviy o’tmishi, Ipak Yo’lining tarixiymuhandislik merosi, tabiatining ajoyib manzaralari, avloddan-avlodga o’tib keluvchi mahalliy hunarmandchilik, xalqning mehmondo’stligi va insoniy qadriyatlari bilan sayyohlarni hayratga soluvchi, mahliyo qiluvchi shu bilan birga ularni xursand etuvchi O’zbekiston barcha burchaklaridan kishilarni o’ziga jalb etadi. Mavjud imkoniyatlardan samarali foydalanish hamda turistlarni mamlakatimizning barcha jabhalariga jalb qilish lozim. milliy iqtisodiyotimiz uchun dolzarb bo`lib, turistik erkin iqtisodiy hududlar barpo etish masalasiga bag`ishlangan. Ayni paytda mamlakatimizda turizm sohasiga e`tibor kuchayib bormoqda. Xususan prezidentimiz Sh.M.Mirziyoyev tomonidan qabul qilingan sohaga oid qaror va farmonlar bunga yaqqol misol bo`la oladi. Turizm sohasining ulushi iqtisodiyotimizning uchdan bir qismini tashkil qilar ekan, uni rivojlantirish orqali bu ulush hissasini yanada oshirish, chetdan kirib keladigan investitsiyalar hajmini oshirish orqali mamlakat iqtisodiy rivojini taminlash mumkin. Bugungi kunda O`zbekistonda bir qator erkin iqtisodiy hududlar faoliyati yo`lga qo`yilgan hamda 2017 – yilda yana 4ta bunday hudud faoliyatining yo`lga qo`yilishi rejalashtirilgan. Buning uchun O`zbekistonda imkoniyatlar va tajriba yetarli darajada. Shuning bilan bir qatorda joriy yilning birinchi kvartali davomida “Buxoro turistik erkin iqtisodiy hududi”ni barpo etish xususida qonun hamda farmonlar qabul qilindi. Bunday hududlarni barpo etish borasida esa mamlakatimizda tajriba yetarli darajada emas. Sababi Shundaki bunday hududlarning faoliyati yuritilmagan, ularni tashkil etishda esa bir qator muammolargaa duch kelish mumkin. Bunda asosan jahon tajribasini o`rgandan holda, mahalliy sharoitdan kelib chiqish asosiy masala bo`lib hisoblanadi. Tadqiqot obyekti va predmeti. Turitik erkin iqtisodiy hududlar, turistik oqimlar va ularning talab va ehtiyojlarini qondirishda qatnashadigan barcha davlat va nodavlat tashkilotlari tadqiqot obyekti hisoblanadi.