Та’lim vazirligi toshkent moliya instituti magistratura bo’limi qo’lyozma huquqida udk: baydillayev sanjar abdumumin o’G’LI

Tadqiqot ishining obyekti investitsiya loyihalarini boshqarish amaliyoti va investitsion risklarni pasaytirish yo‘llarini takomillashtirish hamda investitsion loyihalarni moliyalashtirish va ularning riskini baholashning tashkiliy-iqtisodiy masalalari hisoblanadi.
Tadqiqot predmeti bo‘lib, O‘zbekiston Respublikasida faoliyat yurituvchi korxona va tashkilotlarning ishlab chiqarish jarayoniga jalb etilayotgan investitsiya loyihalarini tahlil qilish va investitsion risklar hamda ularni pasaytirish hisoblanadi.
Tadqiqotning maqsadi investitsiya loyihalarini moliyalashtirishda risklarni baholash va boshqarish yuzasidan xorij tajribasini o‘rganish, investitsiya risklarini pasaytirish yo‘llarini o‘rganish va tahlil qilish asosida, investitsion loyihalarni moliyalashtirish borasidagi risklarni boshqarishni takomillashtirish bo‘yicha amaliy takliflar va tavsiyalar ishlab chiqish hisoblanadi.
Ushbu maqsadga erishish uchun quyidagi vazifalar belgilab olingan:
-investitsion loyihalardagi risklar tushunchasining mohiyatini ochib berish va o‘ziga xos xususiyatlarini asoslash;
-investitsion loyihalardagi risklarni qiyosiy baholash, tegishli nazariy va amaliy xulosalarni shakllantirish;
-investitsiya risklarini pasaytirish yo‘llarini o‘rganish va holatini baholash;
-respublikamiz amaliyotida investitsion loyihalarni moliyalashtirish va undagi risklarni boshqarish amaliyotini tahlil qilish va bu borada mavjud bo‘lgan asosiy tendensiyalarni aniqlash;
-respublikamiz amaliyotida investitsion loyihalarni moliyalashtirish borasidagi risklarni boshqarishdagi xorij tajribasini o‘rganish va ulardan O‘zbekiston amaliyotida foydalanish yuzasidan amaliy xulosalarni shakllantirish;
-mamlakatimizda investitsion loyihalarni moliyalashtirish borasidagi risklarni boshqarishni takomillashtirish bilan bog‘liq bo‘lgan asosiy muammolarni aniqlash va asoslab berish;
-respublikamiz amaliyotida investitsion loyihalarni moliyalashtirish borasidagi risklarni boshqarishni takomillashtirish yuzasidan amaliy takliflar va tavsiyalar ishlab chiqish.