Таълим вазирлиги самарқанд иқтисодиёт ва сервис институти бухгалтерия ҳисоби ва аудит кафедраси

Такрорлаш ва мунозара учун саволлар

1. 
   Бюджет ижроси натижаларини шакллантириш кетма-кетлигини тушунтириб беринг?
   
2. 
   Бюджет ижроси натижаларини бухгалтерия ёзувларида акс эттиришни тушунтириб беринг?
   
3. 
   Молия органларида шакллантириладиган бухгалтерия ҳисоботлари таркибини айтиб беринг?
   
4. 
   Бюджет ижроси тўғрисидаги баланс шаклини тушунтириб беринг.
   

PDF-файлидаги расмий манба

7-Мавзу: Бюджет ташкилотларида бюджет ҳисобини ташкилий -услубий жиҳатлари
Режа:

1. 
   Давлат бюджети ғазна ижроси шароитида бюджет ташкилотларида бухгалтерия ҳисобини ташкил қилиш ва унинг вазифалари
   
2. 
   Бюджет ташкилотларида бухгалтерия ҳисобининг ҳусусиятлари
   
3. 
   Бюджет ташкилотларида юритиладиган бухгалтерия ҳисобининг шакллари
   
4. 
   Бюджет ташкилоти бош ҳисобчисининг мажбуриятлари, ҳуқуқлари ва жавобгарлиги
   
5. 
   Бюджет ташкилотлари бухгалтерия ҳисоби счётлар режаси ва бухгалтерия балансини тузилиши
   

1.Бюджет ташкилотларида бухгалтерия ҳисобини ташкил этишнинг мақсади, вазифалари ва ҳусусиятлари.
Бюджет ташкилоти - зиммасига юклатилган вазифаларни бажариш билан боғлиқ бўлган ўз фаолиятини амалга ошириши учун Давлат бюджетидан маблағ ажратиш назарда тутилган ва бу маблағ молиялаштиришнинг асосий манбаи ҳисобланадиган вазирлик, давлат қўмитаси, идора, давлат ташкилоти.
Бюджет ташкилотлари даромадлар ва харажатлар сметалари ижроси бўйича бюджет ва бюджетдан ташқари маблағлар бухгалтерия ҳисобини Ўзбекистон Республикасининг “Бухгалтерия ҳисоби тўғрисида” ги Қонунига ва Ўзбекистон Республикаси Молия вазирлигининг услубий кўрсатмаларига ҳамда бошқа меъёрий-ҳуқуқий ҳужжатларига мувофиқ ташкил қиладилар. Вазирликлар, давлат қўмиталари ва идоралари, зарур ҳолларда, ўзларининг тизимидаги бюджет ташкилотларда Ўзбекистон Республикаси Молия вазирлиги билан келишган ҳолда бухгалтерия ҳисобининг умумий қоидаларини қўллаш тартиби тўғрисида кўрсатмалар ишлаб чиқаришлари мумкин.
Бюджет ташкилотларида бухгалтерия ҳисобини ташкил этишдан мақсад фойдаланувчилар (ички, ташқи) ни даромадлар ва харажатлар сметалари ижроси жараёни бўйича ўз вақтида, тўлиқ ҳамда аниқ бухгалтерия ва молиявий ахборотлари билан таъминлаб беришдан иборат.