Таълим вазирлиги наманган муҳандислик-қурилиш институти энергетика

Бошқариш аппаратлари тоифасига контроллерлар, командоаппаратлар ва реостатлар киради.
Контроллерлар деб, двигателнинг бош ёки қўзғатиш занжирларини ўзгартириш, шунингдек, шу занжирларга киритилган қаршиликлар қийматини ўзгартириш учун белгиланган қўл билан бошқариладиган кўп занжирли, кўп босқичли аппаратга айтилади.
Контроллерларнинг уч тури мавжуд бўлиб, булар барабан типидаги, кулачокли ва ясси контроллерлардир.
Барабан типидаги контроллерлар емирилишга қаршилиги нисбатан оз контроллерлар тоифасига киради ва соатига чекланган миқдорда (240 мартагача) улаш имкониятига эга. Шунга кўра бундай контроллерлар нисбатан кам улаб-узиладиган электр занжирларида қўлланиладилар.
Кулачокли контроллерлар контактларининг кам емирилиши, соатига улаб-узиш миқдорини 600 тагача ошириш имконини беради. Кулачок тузилишининг асосий хусусиятларидан бири шундаки, занжирни узиш кулачокнинг бўртиқ қисми (кенгайган қисми) ҳисобига амалга оширилади, улаш эса пуржинанинг босиш кучи ҳисобига амалга оширилади. Шу муносабат билан контактлар пайвандланиб қолган ъолларда ъам уларни кулачок ёрдамида узиш (ажратиш) мумкин.
Катта қувватга эга генераторларнинг қўзғатиш майдони параметрларини равон бошқариш, катта двигателларни юргизиш ва уларнинг айланиш частоталарини бошқариш учун бир неча босқичли бошқариш имкониятига эга бўлиш керак. Бундай ъолларда кулачокли контроллердан фойдаланиш мақсадга мувофиқ деб ҳисобланмайди, чунки кўп босқичлилик ъусусиятига эга бўлиш аппаратнинг ўлчамларини кескин катталашиб кетишига олиб келади. Двигателни юритиш ва бошқаришда соатига бажарилиши лозим бўлган улаб-узишлар сони 10-12 мартадан ортмайди. Шу сабабли контроллерларга емирилишга бардошлилик нуқтаи назаридан катта талаблар қўйилмайди. Бундай ъолларда ясси контроллерлар дан кенг кўламда фойдаланилади.
Командоаппаратлар деб, катта ток (кучли ток) электр аппаратларининг (контакторларнинг) бошқариш занжирларида улаб-узишни таъминлаш учун белгиланган ускуна (жиъоз)ларга айтилади. Шушнингдек, бундай аппаратлар кичик қувватдаги электр машиналарини, электромагнитларни ва бошқа шу каби истеъмолчиларни манбага узиб-улашда қўлланилади.