Таълим вазирлиги мирзо улуғбек номидаги ўзбекистон миллий университети

Полипреноллар хақида умумий маълумот

Полипреноллар табиий изопреноидлар бўлиб, умумий формуласи н- (C₅H₈) н-ОH ҳисобланади, бу ерда н - изопрен бирликларининг сони бўлиб 4 дан ортиқ изопрен бирликлари бўлган ҳар қандай пренол - бу полипренолдир. Полипреноллар табиий биорегулятор вазифасини бажариб, турли хил ўсимлик тўқималарида оз миқдорда пайдо бўлиши билан муҳим рол ўйнайди. Барча тирик организмларда, шу жумладан одамларда учрайдиган долихоллар уларнинг ҳосилалари - 2,3-дигидролипреноллар хисобланади. Ўсимликлар дунёсида полипреноллар борлиги маълум. Масалан, игнабаргли дарахтларнинг игналарида полипреноллар кўп миқдорда учрайди [34, 35].
Полипреноллар антиокцидантлик ва энергопротекторлик хусусиятига эга. Шунинг учун хам полипренолларни фармацевтика сохасида хам қўллашимиз мумкин [34, 35] .
Полипренолларни 30 йилдан ортиқ вақт давомида кўплаб етакчи университетларда ва лабораторияларда ўрганилиб келинмоқда. Полипренолларга энг катта қизиқиш билдирувчи давлатлар қаторига Россия, Европа, Япония, Ҳиндистон ва АҚШ киради.
1930-йилларнинг бошларида Санк-Петербургдаги ўрмон хўжалиги Академиясида профессор Ф. Солодкий ва доктор Агранат бошчилигидаги тадқиқот гуруҳи игнабаргли дарахтлардан игналари таркибини ўрганишга киришдилар уларни дарахтларнинг ± 40°C ҳароратда касалликсиз қолиш қобилияти қизиқтирган. Ушбу тадқиқотлар ўрмон биокимёси - дарахтларнинг тирик элементларини аниқлаш, қазиб олиш ва улардан фойдаланиш ҳақидаги фикрлар фаннинг пайдо бўлишига замин яратди. Солодкий тадқиқотларининг ривожланиши совет олимларини кейинчалик полипреноллар деб аталадиган органик моддаларнинг мутлақо махсус синфини игнабарглилардан ажратишга мажбур қилган [66].
Полипренолларнинг ҳусусиятлари қуйидагилар:

• 
  гепатопротектив ;
  
• 
  гепатоцитларни тикловчи, жигарни янгиловчи ;
  
• 
  жигарда яллиғланишни пасайтирувчи;
  
• 
  жигарни токсик моддалар (алкогол, гиёҳванд моддалар ва бошқалар) таъсиридан ҳимоя қилучи;
  
• 
  жигар фаолиятини нормалловчи;
  
• 
  аввалги инфекциялардан кейинги жигар ҳолатини яхшиловчи;
  

жигарнинг токсинларга ва бошқа салбий омилларга чидамлилигини оширувчи каби хусусиятларга эга [66].