Talim sohasidagi kasblar rivojlanishining prognozlari

Prognozlashtirish usuli. Iqtisodiyot tarmoqlari boʻyicha kadrlarga talab prognozi tasodifiy effektlari boʻlgan panel maʼlumotlari asosida regression modeldan foydalanilgan holda hisoblandi. Iqtisodiyotda band boʻlganlarning umumiy soni, tarmoqda ishlab chiqarilgan mahsulot hajmi kabi omillardan foydalanildi. Ushbu usulda faqat sanoat, qishloq xoʻjaligi va xizmat koʻrsatish sohasi kabi yirik tarmoqlar hisobga olingan. Model uchun Oʻzbekiston Respublikasi Davlat statistika qoʻmitasining 2009–2020-yillarga oid hududlar boʻyicha statistik maʼlumotlaridan foydalanildi.

Sanoat

Prognoz koʻrsatkichlariga koʻra, 2026-yilga borib sanoatda band boʻlganlar ulushi 2020-yildagi 13,6% oʻrniga 17,2% ni tashkil etadi. Bunga birinchi navbatda, har bir viloyatda yirik sanoat korxonalari, klasterlarni tashkil etish va aholini tadbirkorlik faoliyatiga jalb etishni nazarda tutuvchi investitsiya dasturlari koʻmak beradi. Bu soha uchun har yili oʻrtacha 150 ming kishi kerak boʻladi (xodimlarning harakatini hisobga olmagan holda)

2026-yilgacha sanoat tarmogʻida band boʻlganlar ming kishi)

Sanoatda band boʻlganlar ulushi tabiiy va iqtisodiy salohiyat hamda resurslardan samarali foydalanishni hisobga olgan holda ishlab chiqarish quvvatlarini kuchaytirish, uzoq muddatli istiqbolda sinergik taʼsirga ega boʻlgan yangi noanʼanaviy ishlab chiqarish va xizmatlarni tashkil etish hisobiga oshiriladi. Hududlar (Buxoro, Jizzax, Namangan, Surxondaryo va Xorazm viloyatlari)ni rivojlantirish ularning sanoatlashish darajasini oshirishga xizmat qiladi. Bu esa oʻz navbatida sanoatda bandlik va mehnat unumdorligini oshiradi.

• Yuqori qoʻshilgan qiymatga ega eksportbop, innovatsion texnologiyali mahsulotlarni ishlab chiqarish, xizmatlarning yangi turlari (kompyuter dasturlash, uskunalarni taʼmirlash va texnik xizmat koʻrsatish)ni rivojlantirish boʻyicha istiqbolli loyihalarni amalga oshirish Andijon, Jizzax, Namangan, Toshkent va Xorazm viloyatlarida sanoatni jadal rivojlantirish imkonini beradi. Natijada, hududlar kesimida sanoatda band boʻlganlarning eng katta ulushi Navoiy (28,9%), Toshkent (22,8%), Fargʻona (19,6%) viloyatlari va Toshkent shahri (20,3%) ning hissasiga toʻgʻri keladi. Sanoatda band boʻlganlarning 45% dan ortigʻi ushbu sanoatlashgan hududlar hissasiga toʻgʻri kelishi kutilmoqda. Sanoatda band boʻlganlarning eng kam ulushi Surxondaryo, Jizzax va Xorazmda kuzatiladi.

• E`TIBORINGIZ UCHUN