|
SHAXSNING KOMMUNIKATIV IMKONIYATLARlNI ANIQLASH TESTI
1. Mas'uliyatli ishga duchor bo`lganingizda hayajonlanasizmi?
2. Ahvolingiz yomon bo`lguncha ham shifokor chaqirmaysizmi?
3. Kutilmaganda ma'ruza qilasiz desa norozilik bildirasizmi?
4. Ota-onangiz ruxsat bermasa shaharga mehmonga borishdan bosh tortasizmi?
5. Begona kishiga kechinmalaringizni so`zlaysizmi?
6. Begona odam sizdan yo`lni, vaqtni so`rasa g`ashingiz keladimi?
7.Har xil avlod o`rtasida hayot masalasida kelishmovchilik bo`ladi, deb hisoblaysizmi?
8. Bir necha oy ilgari tanishingizga bergan 50 so`mingizni so`rashga hijolat tortasizmi?
9. Vagonda bir necha soat begona kishi bilan ketsangiz, gapni birinchi bo`lib boshlaysizmi?
10. Navbatda turish maqsadingizga erishish uchun zarariyat bo`lsa ham, uzundan-uzoq navbat kutishdan voz kechasizmi?
I1. Talabalar o`rtasida bo`lgan mojaroni hal qilishdan o`zingizni olib qochasizmi?
12. Biror adabiyot yoki san'at haqida so`z ketsa, fikringizni himoya qilasizmi?
13. Sizga yaxshi ma’lum bo`lgan masala bo`yicha noto`g`ri fikr eshitsangiz jim tura olasizmi?
14. Sizdan ish yoki o`qish yuzasidan yordam so`ralsa, norozi bolasizmi?
15. O’z fikringizni og`zaki bayon etishga imkoniyat bo`lsa ham yozma ravishda bayon etishni afzal ko`rasizmi?
Natijalar izohi:
Tavsiya etilayotgan 15 ta savolning hammasiga ochiq ko`ngil bilan javob bering va ballar yig`indisini toping. Agar siz «HA»deb javob bergan bo`lsangiz - 2 ball, «BILMADIM», «HAYRONMAN», deb javob bersangiz - 1 ball, «YO`Q» deb javob bergan bo`lsangiz - 0 ball bo`ladi.
Agar ballar yig`indisi: 30-32 ballni tashkil qilsa, u holda siz chiqishimli (kommunikabelnыy) emassiz, ya’ni muloqotga ehtiyoj sezmaysiz, bu xususiyatingizdan hammadan ham o`zingiz jabrlanasiz, yaqinlaringizni ham siz bilan muomala qilishlari murakkab. Jamoa kuchini talab qiladigan ishlarni sizga topshirib bo’lmaydi. Odamlar bilan ko`proq muloqotda bo'lishga intiling.
25-29 ball yig`ilganda: Siz indamassiz, kamgapsiz, yolg`izlikni yoqtirasiz. Yangi ish, yangi muloqotlar sizni anchagina muvozanatdan chiqaradi. Sizni bu xususiyatingiz ko`pincha o`zingizga yoqmaydi. O`zingizni o`zgartirish o`zingizga bog`liq.
19-24 ball yig`ilganda: Atrofdagilar bilan osoyishta muloqotda bo`lasiz va notanish sharoitda o`zingizga ishonasiz. Yangi masalalar sizni cho`chitmaydi. Odamlar bilan kelisha olasiz, tortishuvlarda qatnashishni unchalik yoqtirmaysiz.
14-18 ball yig`ilganda: Siz qiziquvchansiz, sergap suhbatdoshingizni qiziqish bilan tinglaysiz. O`z nuqtai-nazaringizni jahlsiz himoya qila olasiz. Shunga qaramay, shovqinli davralarda bo’lishni yoqtirmaysiz.
9-13 ball yig`ilganda: Atrofdagilar bilan tez muloqotga kirishasiz, ko`plab yangi odamlar bilan tanishishni istaysiz. Qiziquvchansiz, sergapsiz, har xil masalalar bo`yicha gapirishni yoqtirasiz. Hech kimning iltimosini rad etmaysiz, har doim ham uni bajarish imkoniyati bo`lmasada, hammaning diqqat-e'tiborida bo`lishni istaysiz. Murakkab masalalarni hal qilishda sabr-toqat, qat’iylik yetishmaydi. Lekin xohishingiz bo`lsa maqsadingizga erishish uchun o`zingizni majbur qila olasiz.
4-8 ball yig`ilganda: atrofdagilar bilan muloqotda bo`lishga intilish sizni tinch qo`ymaydi. Siz har doim hamma yangiliklardan xabardorsiz, har qanday masala bo`yicha gapirib ketaverasiz, har qanday sharoitda o`zingizni erkin tutasiz, har qanday ishni cho`chimay, ishonch bilan boshlaysiz, vaholanki, ko`pchilik hollarda uni oxirigacha yetkazmaysiz. Shu sababli hamkasblaringiz sizga ishonchsizlik bilan qaraydi.
3 ball yig`ilganda: Sizni muloqotga bo`lgan intilishingiz kasallik xarakterini olgan. Siz ezmasiz, sizga hech qanday aloqasi bo`lmagan ishlarga aralashasiz. Mutaxassisligingizga tegishli bo`lmagan masalalar bo`yicha hukm chiqarmoqchi bo`lasiz. Jahldorsiz, tez xafa bo`lasiz, ko`pincha qat’iy va odil bo`lmaysiz. Atrofdagi odamlarning siz bilan birga bo`lishi qiyin. O`z ustingizda ishlash sizga halal bermaydi, o`zingizda sabr-toqatni, o`z-o`zini boshqarishni, odamlarga hurmat bilan munosabatda bo`lishni tarbiyalang.
Do'stlaringiz bilan baham: |
