Ta`lim samaradorligini oshirishda 3d nigoh

TA`LIM SAMARADORLIGINI OSHIRISHDA 3D NIGOH

XXI asr axborot texnalogiyalari asri. Kim qimmatli ma’lumot egagasi bo‘lsa, uni boshqarsa, u dunyoni boshqaradi. Shu sababdan hukumatimiz tomonidan bu yangicha o‘qitish metodikalari va ularning rivojiga katta etibor qaratilmoqda. Yosh avlod bilim darajasining yuksalishi va ulardagi bilimlarni mukammal egallashida komaklashish zamon talabiga aylanib bormoqda.

O‘zbek modelini butun dunyo o‘rganishga kirishgan bir paytda, biz yanada yuqoriga, yanada ildamroq intilmoqdamiz. Xozirda o‘quv tizimi nazmida kelajak tasavvur qilinmoqda.

Chunki bugungi yoshlar bilim sifati ertangi kunning ish sifatiga aylanadi. Yurtimizdagi maktab, kollej va litseyler o‘quv binolarining moddiy-texnik bazasi kundan-kunga boyitib borilshi bilan birgalikda o‘qitish metodikasi va pedtexnologiyalarga ham katta e’tibor qaratilmoqda.

Zamon shiddati xech kimni kutib turmaydi, yaratib berilgan imkoniyatlardan unumli foydalangan xolda yuksak marralarni ko‘zlashimiz va shu yo‘ldagi barcha jabxalarni qamrab olishimiz zarur.

Yoshlikda olingan bilim toshga o‘yilgan naqsh kabidir degan hikmatli gapga amal qiladigan bo‘lsak, bu naqshlarning qanchalik jilvakor bo‘lishi esa ustozlarimizga bog‘liq bo‘ladi.

O‘quv xonasi, ko‘rgazmali qurollar, labaratoriya jixozlari va o‘qitishga yangicha yondashuv ustoz va murabbiylarga o‘quvchi yoshlarning diqqatini ayni shu fan va aynan o‘tilayotgan mavzuga qaratishga yordam beradi.

Biz yoshlar ham ustozlarimizga yordam berish maqsadida o‘z ustimizda tinimsiz ishlamoqdamiz va ta’lim jarayonida zamonaviy texnologiyalarni qo‘llash maqsadida 3DNigoh ilova dasturini ishlab chiqdik. Dastur, o‘quv xonasida mavjud bo‘lmagan predmetlar, yoki labaratoriya sharoitida qo‘llashni iloji bo‘lmagan qurulmalarni o‘rganishda virtual dunyo yaratgan holda, kuzatilayotgan jarayonni chuqurroq yoritishga yordam beradi.

Ushbu dasturni Android platformasida ishlaydigan mobil telefonlar va planshetlarga o‘rnatish mumkin. Xozir dasturga qisman 8-sinf Fizika fani darsligi va qisman 9-sinf Fizika fani darsliklari kiritilgan.

Dasturni ishga tushirgan xolda darslikda keltirilgan jixozlar suratiga, mobil telefon yoki planshetning fotokamerasi qaratilganda displeyda o‘sha suratning 3D tasviri paydo bo‘ladi.

Foydalanuvchi qurilma va suratni bir-biriga nisbatan xarakatlantirgan xolda ob’ektni har tomonlama ko‘rish imkoniga ega bo‘ladi. Shu bilan birga foydalanuvchi kuzatilayotgan jarayonni rangli va jonli xarakatlanayotgan suratlarda ham ko‘rish imkoniga ega bo‘ladi.

Bu esa o‘quvchilarni mavzuga qiziqishini oshiradi va tabiiy-ki mavzuni tushinish kayfitsenti ham ortishiga yordam beradi.

O‘z faniga qiziqtira olgan ustozlar esa fanning qorong‘u yo‘llarini chiroq kabi yoritadilar.

Biz kelajakka ishonch bilan nigoh tashlamoqdamiz. Shu o‘rinda so‘z boshida keltirganimizdek ustozlarimiz bergan bilimlar har qanday toshga ham bezak bergan xolda Vatanimiz kelajagi uchun mustaxkam va sayqallangan poydevor yaratishga yordam berishiga ishonamiz.