Talabasi Po’latova Nigoraning

FarDU Maktabgacha va boshlang’ich ta‟lim fakulteti BTvaSTI yo’nalishi 17.23-guruh talabasi Po’latova Nigoraning malakaviy amaliyot davomida qilgan ishlari

HISOBOTI

Men Po’latova Nigora 2021-yilning 15-martidan 2021 yilning 29-may kuniga qadar Farg’ona shahar 30-umumiy o’rta ta‟lim maktabida amaliyot o’tadim. Amaliyot rahbarim D.Xoliqova 1-kuni talabalarni maktab jamoasi bilan tanishtirdi. 1-kuni maktab hovlisi, o’quv binolari, sport zali, faollari zali, oshxona kabi joylar bilan tanishdim. Boshlang’ich sinflar ilmiy bo’lim mudiri talabalarni malakali o’qituvchilarga biriktirdi. Men o’qituvchi A.Xonkeldieva rahbarligida 2 “A”- sinfga biriktirildim. Amaliyotning 1-kunidanoq o’qituvchining darslarini kuzatib bordim. Sinf o’quvchilarining ismi, familiyasi, tug’ilgan yili, yashash joyi hamda ota- onasi haqidagi ma‟lumotlar bilan tanishdim. Ularning dars jadvali, qaysi to’garaklarga a’zo ekanliklarini o’rganib chiqdim. Amaliyotning 3-kunidan boshlab sinf rahbari yordami bilan mustaqil holda o’qish, onatili, matematika fanlaridan darslami o’tdim. Dars o’tish, kuzatish jarayonida o’quvchilami aktiv hamda passivlarni aniqladim. Ular bilan individual dars jarayonida shug’ullandim. Dars jarayonida ular bilan munosabatda bo’lish orqali ularni psixologik xususiyatlarini o’rganib chiqdim. Passiv o’quvchilarni faollashtirish maqsadida ularga bilish darajasidagi savolni berib, sinfdoshlari oldida ruhiyatini ko’tardim. O’quvchilarda har bir darsda vatanparvarlik ruhini singdirishga harakat qildim. O’quvchilaming daftarlarini tekshirish orqali baholash tizimi haqida tushunchaga ega bo’ldim. O’quvchilar tadbirda faol qatnashdi. Darslarda interfaol usullardan foydalandim. O’quvchilarni Prezidentimizning 2019-yilda chiqqan yangi asari bilan tanishtirdim. Daftarlariga asar nomini yozdirib qo’ydirdim. Dars jarayonining boshida asar nomini o’quvchilardan so’rab bordim. Amaliyot davomida o’quvchilar bilan munosabatimni yaqinlashishiga, ularni mehrini qozonishga erishdim. Amaliyot davomida tanlagan kasbimning qanchalik mashaqqatli hamda sharafli ekanligiga amin bo’ldim. Dars o’tish jarayonida ustozlarimizni o’rgatgan bilimlarini qo’llashga harakat qildim. O’quvchilarning ilmga chanqoqligini ko’rib, kasbimga bo’lgan mehrim yanada oshdi.
Ozgina vaqt ichida o’quvchilarga oz bo’lsada o’rgatganlarimni o’rganganlaridan xursandman. Bizni shu darajaga yetkazgan ustozlarimizdan minnatdormiz.


Amaliyot rahbari: ____________________________