Талабаларнинг мустақил таълимни ташкил этишнинг услубий таъминоти ҳамда ташкил этилиши ҳолати юзасидан маълумот

Талабаларнинг мустақил таълимни ташкил этишнинг услубий таъминоти ҳамда ташкил этилиши ҳолати юзасидан
МАЪЛУМОТ
Қўқон давлат педагогика институти ахборот ресурс марказининг ҳозирги кундаги умумий китоб фонди 222298 сондаги адабиётлардан иборат.
Шу жумладан: босма хужжатлар – 171288
электрон нашрлар – 51010
Шундан:

• 
  Дарсликлар 3180 номда, 31712 сонда;
  
• 
  Ўқув қўлланмалар 4388 номда, 42226 сонда;
  
• 
  Бадиий адабиётлар 19261 номда, 40393 сонда;
  
• 
  Илмий адабиётлар 4428 номда, 10657 сонда;
  
• 
  Ижтимоий адабйётлар 11525 номда, 46300 сондаги адабиётлардан иборат.
  

Тиллар кесимида: Ўзбек тилида жами 98535 сонда, (кирилл алифбосида 69757 сонда, лотин алифбосида 28778 сонда), рус тилида 65996 сонда, хорижий тилда 6757 сонда адабиётлардан иборат.
2021 йилдан бугунга қадар 11634 сондаги адабиётлар ахборот ресурс маркази фондига қабул қилинди, шундан профессор-ўқитувчилар томонидан 605 та китоблар инвестиция хисобида тақдим этилган.
Талабалар учун масофавий хизмат кўрсатиш учун телеграм ижтимоий тармоғида https://t.me/qdpikitoblarbot канали ташкил этилган. Канал турли ҳилдаги электрон маълумотлар билан бойитилиб ундан ташқари талабарнинг қўшимча эҳтиёжлари қондирилиб келинмоқда.
АРМ электрон базасида 51010 та (pdf, mp3, mp4, doc, docx, ppt, pptx), жумладан 4542 та аудио-китоб, 946 та аудио-визуал материаллар, 45522 та электрон нашрлар билан бойитилган.
Талабаларнинг мустақил таълимни ташкил этиш борасида тинимсиз равишда хар ойда турли фан соҳалари бўйича янги келган адабиётларни библиографик обзорлари тайёрланиб тақдим этиб борилмоқда.
Талабаларнинг мустақил таълимни ташкил этиш учун АРМ иш вақти соат 07:00 дан 22:00 гақадар ташкил қилинган.
Институт ахборот ресурс марказининг ўқув зали 96 ўринга мўлжалланган. Ўқув зали барча талабларга мос тартибда жихозланган. Ўқув зали жавонларида кирилл ва лотин ёзувидаги турли тиллардаги ўзбек ва жаҳон адабиётига доир ўқув ва бадиий адабиётлар жамланган. Профессор-ўқитувчи ва талабалар учун газета ва журналлар, мутахассисликка оид ўқув адабиётлар билан таъминланган.
Ахборот ресурс марказининг электрон ўқув залида 24 та компьютер жамланмаси профессор-ўқитувчи ва талабаларга хизмат кўрсатиб келмоқда.
Компьютерлар ўзаро локал, коорпоратив ва интернет тармоғига уланган. Барча компьютерларда электрон маълумотларни асосий сервер компьютердан олиш учун уланиш нуқтаси мавжуд.
Муҳтарам Президентимиз Шавкат Мирзиёев ташаббуслари билан ташкил этилган “Беш ташаббус”нинг тўртинчиси “Ёшлар маънавиятини юксалтириш улар ўртасида китобхонликни кенг тарғиб қилиш бўйича тизимли ишларни ташкил этишга йўналтирилган” ҳаракатлар стратегияси асосида АРМда мунтазам равишда фойдаланувчилар билан ибратли ишлар олиб борилмоқда.
Ахборот русурс марказига олинган энг янги ва энг сара асарлар юзасидан “Мен севган ёзувчи”, “Менинг севимли китобим”, “Мен севган асар” рукнлари остида китоб тақдимотлари ўтказилиб, талабалар маънавият соатларида ушбу тақдимотларга таклиф этиляптилар.
Улардан ташқари ҚДПИ профессор-ўқитувчилари томонидан яратилган бир қанча китобларни ҳам тақдимотлари бўлиб ўтмоқда.
Ҳозирги кунда ахборот русурс марказида турли фан тўгараклари ташкил этилиб, мунтазам равишда машғулотлар ўтказиб борилмоқда.
Талабаларни турли хорижий тилларни яқиндан ўрганишлари учун “Инглиз тилини ўрганамиз” номли тақдимот ташкил этилди.
Хорижий давлатлардан олиб келинган 300 нусҳадан ортиқ китоблар талабаларга яқиндан таништирилди.
Ахборот ресурс марказида 2021 йил январ ойидан бошлаб “Китоб буюк кашфиёт” номли китобхонлар клуби ташкил этилган бўлиб, институтнинг энг иқтидорли, фаол талабалари ушбу тўгаракка аъзо бўлиб, улар иштирокида маънавий қадриятларимизни тарғиб этадиган ёшларни келажакда ўз ўринларини топишларига ёрдам берадиган қизиқарли тадбирлар ўтказиб борилмоқда.
АРМ директори Д.Мелиқўзиев