“Талабалар турар жойи тўғрисида”ги Низом

Samarqand davlat chet tillar instituti 
Talabalar turar joyi to’g’risidagi
NIZOM 
 
SamDCHTI Talabalar turar joyi pedagog-tarbiyachilari faoliyatining
huquqiy maqomi va qoidalari
I. Umumiy qoidalar 
1. 1997 yil 29 avgustda qabul qilingan O’zbekiston Respublikasining “Ta’lim 
to’g’risida”gi qonuni, Kadrlar tayyorlash milliy dasturida, O’zbekiston 
Respublikasi Prezidenti va Vazirlar Mahkamasi tomonidan ta’lim-tarbiya sohasiga 
oid qabul qilingan farmon va qarorlarda belgilangan vazifalarning bajarilishini 
ta’minlash, kelajak avlodni komil inson etib shakllantirish, ma’naviy-ma’rifiy 
ishlarni takomillashtirish va samaradorligini oshirish, ta’lim muassasalarida yuqori 
malakali, zamon talablariga javob beradigan mutaxassislar tayyorlashdan 
iboratdir. 
2. Institut talabalar turar joyida talabalarning o’qish jarayoni va darsdan 
tashqari vaqtlardagi faoliyati tizimini takomillashtirish, yoshlar bilan olib 
borilayotgan tarbiyaviy ishlarning ta’sirchanligini ta’minlash, talabalar turar joyida 
ularni ijtimoiy foydali ishlar, qiziqarli tadbirlar bilan qamrab olish, ularning 
ma’naviy va madaniy dam olishlarini tashkil etish, fanlarni o’zlashtirish va dars 
tayyorlash shart-sharoitlarini yaxshilash talabalar turar joylariga kirish va chiqish 
tartiblariga qat’iy rioya qilish, turli yot mafkuraviy oqimlarning maqsad va 
intilishlaridan ogoh etish, giyohvandlik, OITS (SPID) kabi illatlardan saqlash 
bo’yicha tarbiyaviy ishlarni amalga oshiradi. 
3. O’zbekiston Qahramonlari, deputatlar, olimlar, yozuvchilar, shoirlar, 
huquqshunoslar va turli kasb egalari bilan uchrashuvlarni tashkil etish, mulk va 
jihozlarni avaylash, yigitlar va qizlar o’rtasida sog’lom turmush tarzi, o’zaro 
hurmat, yuksak ma’naviy fazilatlarni kamol toptirish kabi vazifalarni bajarish 
talabalar turar joylari pedagog-tarbiyachilari faoliyatining asosiy yo’nalishidir.