Тактиканинг фан сифатида вазифалари

I z o h: Koeffitsient dushmanning PJMsiga qarata otilganda 1,5 marta, bronetransportyoriga qarshi otilganda 2 marta ortadi.

Guruxning jangovarligini saqlab qolish va qo‘yilgan vazifani bajarish uchun PJMlarning 50% foizini saqlab qolishi kerak bo‘ladi. Bundan xulosa shuki, motoo‘qchi guruh PJMda mudofaaga tayyorlangan dushmanga hujum qilganda dushmanni bittagacha tankini yakson qilish imkoniyatiga ega.

Dushmanning tirik kuchlarini yo‘q qilishda guruhning jangovar imkoniyatlari guruh o‘qotar qurollaridan frontning bir metriga bir daqiqada otilgan o‘qlar soni - o‘t zichligiga asoslanib hisoblanadi.

Dushmanning tirik kuchlarini o‘qotar qurollar bilan yakson qilishda vzvodning jangovar imkoniyatlarini quyidagi ketma-ketlik tartibida hisoblash mumkin:

guruh hujum boshlanishidan avval jangda ishtirok etadigan qurollari turi va soni aniqlanadi;

qurolning jangovar tez otish imkoniyatidan kelib chiqib, jang paytida qurolni qo‘llaganda bir daqiqada otilishi mumkin bo‘lgan o‘kdar soni anikdanadi;

guruhnikg hujum frontining kengligiga, qurollardan chiqadigan o‘kdar sonini bo‘lib chiqqan holda, bir metr frontga tushadigan o‘klar soni o‘t zichligi aniqlanadi.

Xuddi shu tartibda dushman o‘tining zichligi hisoblanadi va o‘t zichligi nisbati aniqlanadi. Misol uchun to‘liq ta’minlangan vzvod 200 m frontda piyoda hujumga o‘tgandagi holatni xisoblab chiqaylik. Bu holatda guruhning o‘t ochishini kuchaytirish uchun PKM - pulemyot raschyoti jalb etilgan, jangda qatnashishi mumkin bo‘lgan qurollar; AK-74 avtomati - 6 ta, pulemyot RPK-74 - 2 ta, PKT - 3 ta, SVD - 1 ta, bu qurollarning har daqiqada o‘q otish tezligi mos ravishda 100, 150, 250, va 40 (PJMlaridagi haydovchilar, 2 ta granatomyotchi, guruh komandiri va o‘qchi-aloqachi hisobga olinmaydi). Bu holatda guruh bir daqiqada (6 x 100) - (2 x 150) - (3 x 250) - (1 x 40) - 1690 ta o‘q otishi mumkin. Bundan frontning har bir metriga o‘qlar zichligi 1690:200-8,4 ta, ya’ni 1 m ga 1 daqiqada 8,4 ta o‘q otiladi. Jangovar harakatlar tajribasi shuni ko‘rsatadiki, hujum davomida bir metr frontga, bir daqiqada 8-10 tadan o‘t zichligi to‘g‘ri kelsa, qo‘yilgan topshiriqning bajarilishi ta’minlanadi.

Zarba kuchi - bu motoo‘qchi, tankchi bo‘linmalarni dushmanga qarata harakat davomida aniq, unumli o‘t bilan qudratli zarba berishidir. Guruhning zarba kuchi tanklardan, piyodalar jangovar mashinasi (bronetrans-portyordan), tankka qarshi vositalardan va o‘qotar qurollardan unumli foydalanib, tez va jadal harakat qilish natijasida dushman mudofaasini yorib kirish, uni tirik kuchlari, o‘t ochish vositalarini yakson qilib, hujum ob’ektini ishg‘ol qilishga asoslanadi. SHuning uchun guruhning zarba kuchi uning o‘t ochish va manyovr qilish imkoniyatlariga hamda dushmanning turli o‘t ochish vositalariga chidamliligiga, front bo‘ylab hujumga o‘tganda vzvod jangovar tartibidagi o‘rniga bog‘liq bo‘ladi.