Тактиканинг фан сифатида вазифалари

(ko‘chish) vaqtidagi texnik ta’minoti.
Zamonaviy jangovar harakatlarning yuqori manyovrligi tankchi va motoo‘qchi qo‘shinlarning harakatlarini (qayta saflanishlarining) roli va ahamiyatini anchagina oshiradi.

Tankchi (motoo‘qchi) bo‘linma va qismlar o‘zlari harakatlanib ko‘chishlari (marsh bajarishlari) va ularni temir yo‘l va suv transportida tashish mumkin. Motoo‘qchi bo‘linmalarni havo transportida, tankchi bo‘linmalarni esa og‘ir avtopoezdlarda tashish mumkin.

Marsh – bu bo‘linmalarni kolonna bo‘lib va kolonna yo‘llarida uyushgan holda tayinlangan rayonga (belgilangan rubej) chiqish maqsadidagi harakatlanishidir. U batalonning (vzvod) asosiy harakat qilib ko‘chish usuli hisoblanadi.

Marsh jangga kirishish ko‘zda tutilgan yoki dushman bilan tuqnashish xavfi yo‘q hollarda amalga oshiriladi.

Tankchi (motoo‘qchi) batalonlar dushman tomonidan Oqq ishlatilishi xavfi mavjud bo‘lgan, uning avitsiyasi, uzoqqa otuvchi razvedka-qiruvchi komplekslari, havo-desant va razvedka-qo‘poruvchi guruhlarini ta’siri ostida marsh bajarishga (tashishga) doimo tayyor turishlari kerak.

Marsh vaqtida bo‘linmalarga radioaktiv, kimyoviy va bakteriologik (biologik) zaharlangan keng hududlarni, yong‘in va suv bosgan zonalarni, buzilgan yo‘llar va suvli to‘siqlardan, kechuvlardan o‘tish va ularni aylanib o‘tishga to‘g‘ri keladi.

Marshning sharoitlari va maqsadlaridan qatiy nazar tankchi (motoo‘qchi) bo‘linmalar belgilangan rayonga (belgilangan rubej) aniq belgilangan muddatda, to‘liq tarkibda va hech qanday taraddudlarsiz jangovar harakatlar olib borishga shay holda etib kelishlari kerak. Bu esa shaxsiy tarkib, qurol-aslaha va harbiy texnikani marshga (tashishga) puxta tayyorlashni, mohirlik bilan tashkillashtirishni, har tomonlama ta’minlash va bo‘linmalarning yuqori marsh tayyorgarligini talab etadi.

Bo‘linma komandirlari va ularning qurol-aslaha bo‘yicha o‘rinbosarlari shaxsiy tarkib, qurol-aslaha va harbiy texnikani marshga tayyorlashga hamda o‘zining va qo‘shib berilgan kuch va vositalari bilan marshni texnik ta’minotini tashkillashtirish va amalga oshirishga jiddiy e’tibor berishlari kerak.