Тактиканинг фан сифатида вазифалари

Masofalarni kartada o‘lchashning aniqligi
Kartada o‘lchangan masofa bilan chiziqning joydagi haqiqiy uzunligi doimo bir-biridan farq qiladi. Bunga turli omillar, misol uchun, oddiygina odamning tabiiy ko‘rish qobiliyati ta’sir ko‘rsatadi.

Kartada masofalarni masshtabning 0.1 mm aniqligidan ortiq aniqlikda o‘lchab bo‘lmaydi. Bu tushuncha aniqlikning chegarasi, deyiladi. Aniqlikning chegarasi faqat chizma topografik kartalar uchun tegishli bo‘lib, u elektron raqamli topografik kartalarga tegishli emas. CHunki elektron raqamli kartalarda odamning tabiiy ko‘rish qobiliyati va aniqlik chegarasining omillari nazariy jihatdan aniqlikning pasayishiga olib kelmaydi. Kartada o‘lchangan masofaning joydagi haqiqiy uzunligiga qanchalik yaqin kelishiga asosan uch omil – chiziqning qiyaligi va egri-bugriligi, o‘lchov asboblarining o‘lchash aniqligi hamda karta qog‘ozining deformatsiya bo‘lishi ta’sir ko‘rsatadi.