Тактиканинг фан сифатида вазифалари

Bo‘linmalarni maxsus qo‘shin harakatlariga tayyorlashga quyidagilar kiradi:

- bo‘linmalarni (zarur hollarda) shaxsiy tarkib bilan butlash (to‘ldirish);

- ularni qurol-aslaha, harbiy texnika, o‘q-dori, yonilg‘i va boshqa moddiy vositalar bilan ta’minlash;

- komandirlar, shtablar va shaxsiy tarkibning vazifalarni bajarishga, qurol-aslaha, harbiy texnikani va moddiy vositalar zahiralarini jangovar qo‘llashga bevosita tayyorlash;

Bo‘linmalarda jangovar uyushtirishni (slajivanie) o‘tkazish.

Bo‘linmalarni qisqa muddatda tayyorlash doimiy turar joylari yoki baza markazlarida, poligonda yoki joyning tayyorlanmagan uchastkasida o‘tkazilishi mumkin. Asosiy e’tibor shaxsiy tarkib va bo‘linmalarni ular bo‘lajak aniq jangovar vazifani bajarayotgan vaqtda uyushib harakatlanishiga qaratiladi.

Ofitserlar va shtablarni tayyorlashda asosiy e’tibor bo‘linmalarni o‘zaro hamkorligi va boshqarishni tashkillashtirish, shtatli qurol-aslaha va harbiy texnikani samarali qo‘llash, vaziyatni o‘zgarishlariga tez e’tibor qaratish va ular bo‘yicha asoslangan qarorlar qabul qilish ko‘nikmalariga qaratiladi.

Qurol-aslaha va harbiy texnikani tayyorlashda asosiy e’tibor navbatdagi texnik xizmat ko‘rsatishni o‘z vaqtida o‘tkazilishi, qurol-aslahani jangovar qo‘llashga tayyorlash (ayniqsa mo‘ljallash moslamalarini rostlash); barcha tizimlar, asboblar, mexanizmlar, agregatlar va uzellarning ishga yaroqliligini tekshirishga; AKBlarni zaryadlashga, jumladan tungi mo‘ljallash asboblari va ko‘chma radiostansiyalarnikini ham; har bir tank, BMP, BTRda o‘q-dorilarning ko‘paytirilgan zahiralarini yaratishga; jangovar va transport mashinalarini yuqori o‘tish va harakat xavfsizligini ta’minlovchi vositalar bilan ta’minlashga, har bir mashinada suv, yonilg‘i, moylash materiallari hamda ularni MQH yoki marsh davomida ekipaj yoki haydovchilar kuchi bilan ta’mirlash bo‘yicha birinchi navbatdagi ishlarni bajarish uchun zarur bo‘lgan ehtiyot qismlar zahiralarini yaratishga.

Doimiy ishlovchi NO‘P, blokpostlar va qo‘riqlash zastavalari tomonidan qo‘riqlanmaydigan yo‘llarda harakatlanishda avtomobil kolonnalarini, ularni harakat davomidagi xavfsizligini ta’minlash maqsadida jangovar bo‘linmalar kuzatib boradilar, shu bilan birgalikda marshrutlarning xavfli uchastkalariga va to‘xtash joylariga vaqtinchalik qo‘riqlash zastavalari qo‘yiladi.