Тактиканинг фан сифатида вазифалари

Suvli to‘siqni kechib o‘tish bilan hujumga tayyorgarlikdagi texnik ta’minot.
Texnik va ichkari ta’minoti bo‘linmalari kechib o‘tish boshlangunigacha qurol-aslaha va harbiy texnikani kechib o‘tishga tayyorlashlari, moddiy vositalar zahiralarini, birinchi navbatda o‘q-dori, yonilg‘i va oziq ovqat bilan to‘ldirishlari kerak.

Batalonni suvli to‘siqni kechib o‘tish bilan hujumga tayyorlashda texnik ta’minotning umumiy va maxsus tadbirlari o‘tkaziladi.

Suvli to‘siqni kechib o‘tishga tayyorgarlikdagi maxsus tadbirlar: tank ekipajlari shaxsiy tarkibining, PJM, ZTR, avtomobillar haydovchilarining, texnik ta’minot bo‘linmalari shaxsiy tarkibining maxsus tayyorgarligi; mashinalarni chuqur kechuv joylaridan, suv ostidan va suzib o‘tkazishga tayyorlash; qutqaruv evakuatsiya xizmatini (QEX) tashkil etish va qutqaruv evakuatsiya guruhini (QEG) tayyorlashni o‘z ichiga oladi.

Tank ekipajlarining, jangovar mashinalar haydovchilarining va texnik ta’minot bo‘linmalari shaxsiy tarkibining maxsus tayyorgarligi harbiy qism shtabi tomonidan komandirning qurol-aslaha bo‘yicha o‘rinbosari bilan birgalikda muhandislik xizmati boshlig‘i ishtirokida rejalashtiriladi, tashkillashtiriladi va hujum uchun dastlabki rayonda o‘tkaziladi. Bunda shaxsiy tarkibning texnik tayyorgarlik darajasi, mashinalarni haydashbo‘yicha amaliy tajribasi, kechib o‘tish usuliga qarab texnikani suvli to‘siqdan o‘tishga tayyorlash bo‘yicha ishlarning hajmi va bu ishlarni o‘z kuch va vositalari bilan bajara olish qobiliyati hamda batalonning hujum qilish uchastkasidagi suvli to‘siqning xarakteristikasi (xususiyati) hisobga olinadi.