Тактиканинг фан сифатида вазифалари

Doimiy jangovar shaylik motoo‘qchi (tank) guruhining (seksiya, tankning) har qanday vaqtda, belgilangan muddatlarda uyushgan holda jangga kirishga va oldiga qo‘yilgan vazifani muvaffaqiyatli bajarishga qodirligidan iboratdir.

Doimiy jangovar shaylikka: o‘z vazifasini to‘g‘ri tushunish; shaxsiy tarkibning yuksak jangovar mahorati va uning dushman tomonidan zamonaviy qurollarning barcha turlari qo‘llanilgan sharoitlarda harakat qilishga tayyorligi; shaxsiy tarkibning yuksak ma’naviy-ruhiy holati, intizomi va hushyorligi; motoo‘qchi (tank) guruhining har jihatdan to‘liqligi va jang olib borish uchun barcha zarur narsalar bilan ta’minlanganligi; qurol-yarog‘ va texnikani foydalanishga, shaxsiy tarkibning esa, oldiga qo‘yilgan vazifalarni bajarishga doimiy tayyorligi; jangovar harakatlarni ta’minlanishiga oid tadbirlarning mohirona boshqarilishi va amalga oshirilishi orqali erishiladi.