Тактиканинг фан сифатида вазифалари

Issiq ovqatni batalon oziq-ovqat punktidan olib kelish va

shaxsiy tarkibga tarqatish (variant)
Nurlanish darajasi 5 nurlanish/soat bo‘lgan tumanlarda ovqatni tayyorlash chodirlarda o‘rnatilgan oshxonalarda amalga oshirilishi mumkin, ovqatlanish ochiq joylarda va ochiq muhandislik inshootlarida ruxsat etiladi.

Nurlanish darajasi 5 nurlanish/soat yuqori bo‘lsa ovqat tayyorlash va shaxsiy tarkib tomonidan ovqatlanish, yopiq dezaktiv binolarda yoki muhandislik inshootlarida amalga oshiriladi. Ular atrofidagi joylar dezaktivasiya qilinadi yoki suv sepib namlanadi. Agar bunday imkoniyatlar bo‘lmasa, quruq oziq-ovqat mahsulotlari bilan ovqatlanishga o‘tish zarur. Ularni mashinalarda qabul qilish mumkin.

Havoning zaharlanishi natijasida radiofaol bulutlar izi paydo bo‘lganda ovqat tayyorlash va ovqatlanish taqiqlanadi. Bu batalonni chang yo‘llarda (joylarda) harakatlanganida yadro portlagandagi zaharli moddalari havoga ko‘tarilib yuqoridagi sharoitlar yaratiladi. Kimyoviy zaharlanishda ham zaharlangan joylarda ovqat tayyorlash taqiqlanadi. Uni tayyorlanishi va istemol qilinishi mashinalarda yoki maxsus jihozlangan pana joylarda bo‘lishi kerak.

Zaharlangan zonalarda ovqat tayyorlash uchun oziq-ovqat mahsulotlari va suv maxsus zichyopiladigan idishlarda etkazib berilishi shart. Olib kelinadigan suvni tekshirilgan va zararsizlantirilgan suv manbaalarida olinishini doimiy tekshirish. Portlagan yadro mahsulotlari bilan ko‘rsatilgan me’yordan ortiqcha zararlangan oziq-ovqat mahsulotlarini, ovqat tayyorlashga ishlatish taqiqlanadi.

SHaxsiy tarkibni ovqatlantirish xo‘jalik guruxining (seksiyasining) oziq - ovqat punktida (oshxonasida) tashkillashtiriladi. Bajarilayotgan vazifa xarakteriga bog‘liq holda vzvodga (guruxga) ovqatlanish tartibi o‘rnatiladi. Qoidaga ko‘ra, issiq ovqatni sutkasiga uch mahal tayyorlab, shaxsiy tarkibga tarqatiladi.

Vaziyat sharoitlari bo‘yicha sutkasiga uch mahal issiq ovqat tayyorlash va tarqatish imkoni bo‘lmaganida, ertalabki issiq ovqat tarqatish bilan bir vaqtda me’yor hisobidan bo‘linmalar shaxsiy tarkibini qo‘llariga oraliq ovqatlanish uchun quruq oziq-ovqat mahsuloti sutkalik taqsimot hisobidan beriladi. Issiq ovqat tarqatish tartibi sharoitga bog‘lik bo‘ladi. Agar sharoit imkon bersa, belgilangan vaqtda shaxsiy tarkib issiq ovqatni qozonchalariga bevosita oziq-ovqat punktlarining oshxonalaridai oladi. Agar sharoit bo‘yicha buni amalga oshirish mumkin bo‘lmasa, shaxsiy tarkibga ovqat, ovqat tashuvchilar etkazadigan termoslardan tarqatiladi.

Ovqat tarqatishdan oldin va so‘ng askar va serjantlarga, qozonchalarini yuvish va suvdonni to‘ldirish uchun qaynoq suv tarqatiladi. Ofiser va serjantlar issiq ovqatni oshxonalardan askarlar bilan birga olishadi. Issiq ovqatdan tashqari ofiserlarga qo‘shimcha me’yor bo‘yicha mahsulotlar beriladi