Тактиканинг фан сифатида вазифалари

Ekipajlarni tayyorlashda quyidagilarga alohida e’tibor berish lozim:

- tungi ko‘rish asboblari va yorug‘lik maskirovka qurilmalari (YOMq) bilan ishlash qoidalariga;

- navigatsiya asboblari va tungi ko‘rish asboblaridan foydalangan holda, ularni kuydirib qo‘ymasdan, jang maydonini kuzata olish, orientirlash va harakat yo‘nalishini saqlay bilishiga;

- yoritish va issiqlik asboblaridan foydalanishda maskirovkaga rioya etish qoidalariga;

Shaxsiy tarkibga mo‘ljalni ko‘rsatish va o‘zaro tanish signallari, shikastlangan mashinalar turgan joylarni yoritib ko‘rsatish tartibi etkaziladi.

Qurol-aslaha va texnikani tayyorlashda tungi ko‘rish asboblarining YOMqning, orqa va gabarit fanarlarning, ichki yoritish asboblarining ishga yaroqliligi va rostlanganligiga alohida e’tibor qaratish kerak.

Tungi nishonga olish va ko‘rish asboblarini, yoritgich va tok bilan ta’minlash bloklarini tekshirish va ta’mirlash uchun, ta’mirlash bo‘linmalarining mutaxassislari va maxsus ustaxonalarning nazorat-tekshirish jihozlari jalb etiladi.

Jangovar mashinalarning orqa qismiga (kormasiga) belgilangan namunaga muvofiq, qorong‘ida yaxshi ko‘rinadigan belgi tushirilishi kerak va har bir mashinada jang maydonida uni uzluksiz kuzatib turish, safdan chiqqanda turar joyini aniqlash imkonini beruvchi, yo‘naltirilgan yonuvchi ko‘rsatgichi bo‘lishi kerak.