Takrorlash uchun savollar

Takrorlash uchun savollar

1. 
   Xalqaro moliya tashkilotlari qanday funktsiyalarni bajaradi?
   
2. 
   Xalqaro moliya tashkilotlari vujudga kelishiga qaysi omillar sabab bo‘lgan?
   
3. 
   Xalqaro moliya tashkilotlari faoliyatining asosiy maqsadlari nimalardan iborat?
   
4. 
   Mintaqaviy valyuta-kredit tashkilotlari yuzaga kelishining asosiy sabablari nimalardan iborat?
   

Mustaqil o‘rganish uchun topshiriqlar

1. 
   XVFga a’zo mamlakatlarning fonddagi kvota miqdorini va ovoz berish huquqini tahlil eting.
   
2. 
   XVF Kelishuvlar moddalarini tarkibiy jihatdan o‘rganing.
   
3. 
   Asosiy terminlar lug‘atini tuzing.
   

Test savollari
1. Xalqaro valyuta fondining asosiy maqsadi –

A) – mamlakatlarda valyuta-kredit munosabatlarini joriy etish va uni qo‘llab-quvvatlash hamda turli maqsadlarda kreditlar berish bilan shug‘ullanuvchi hukumatlararo tashkilot.

B) – a’zo davlatlar o‘rtasida valyuta-kredit munosabatlarini tartibga solish va ularga to‘lov balansining kamomadi bilan bog‘liq valyutaviy qiyinchiliklar paytida chet el valyutasida qisqa va o‘rta muddatli kreditlar berish yo‘li bilan moliyaviy yordam ko‘rsatish uchun mo‘ljallangan hukumatlararo tashkilot.

C) – a’zo davlatlar iqtisodiyotini barqarorlashtirish hamda ularda ishlab chiqarishni rivojlantirish maqsadida uzoq va qisqa muddatli kreditlar berish uchun tashkil etilgan xalqaro tashkilot.

D) – a’zo davlatlardagi tijorat banklarida valyuta munosabatlarini joriy etish va ularni tartibga solish hamda valyuta munosabatlaridagi mavjud muammolarni bartaraf qilish maqsadida kreditlar berishga mo‘ljallangan hukumatlararo tashkilot.

2. XVF qachon va qaerda tashkil topgan?

A) 1948 yil 27 dekabr, BMTning valyuta – moliya masalalari bo‘yicha Bretton – Vudsdagi konferentsiyasida.

B) 1945 yil 27 dekabr, BMTning valyuta – moliya masalalari bo‘yicha Parijdagi konferentsiyasida.

C) 1945 yil 27 dekabr, BMTning valyuta – moliya masalalari bo‘yicha Bretton – Vudsdagi konferentsiyasida.

D) 1945 yil 27 dekabr, BMTning valyuta – moliya masalalari bo‘yicha Genuyadagi konferentsiyasida.

3. Jahon Bankining asosiy maqsadi –

A) rivojlanayotgan mamlakatlarga kredit ajratish yo‘li bilan ishlab chiqarishni barqarorlashtirish hisoblanadi.

B) rivojlanayotgan mamlakatlardagi tijorat banklari faoliyatini tartibga solish hisoblanadi.

C) iqtisodiy o‘sish davrini boshdan kechirayotgan rivojlanayotgan mamlakatlarni kreditlash yo‘li bilan kambag‘allik darajasini pasaytirish hisoblanadi.

D) iqtisodiy o‘sish davrini boshdan kechirayotgan rivojlanayotgan mamlakatlarda bank-moliya tizimini barqarorlashtirish hamda uni tartibga solish hisoblanadi.

4. Jahon Banki guruhiga kiruvchi xalqaro tashkilotlar qaysi javobda to‘g‘ri ko‘rsatilgan?.

A) Xalqaro tiklanish va taraqqiyot banki(XTTB), Xalqaro rivojlanish assotsiatsiyasi (XRA), Xalqaro moliya korporatsiyasi (XMK), Osiyo taraqqiyot banki, Evropa tiklanish va taraqqiyot banki.

B) Xalqaro tiklanish va taraqqiyot banki(XTTB), Xalqaro rivojlanish assotsiatsiyasi (XRA), Xalqaro moliya korporatsiyasi (XMK), Investitsiyalarni kafolatlash bo‘yicha ko‘p tomonlama agentlik, Investitsion bahslarni hal qilish bo‘yicha xalqaro markaz.

C) Xalqaro tiklanish va taraqqiyot banki(XTTB), Xalqaro rivojlanish assotsiatsiyasi (XRA), Xalqaro valyuta fondi(XVF), Investitsiyalarni kafolatlash bo‘yicha ko‘p tomonlama agentlik, Investitsion bahslarni hal qilish bo‘yicha xalqaro markaz.

D) Xalqaro tiklanish va taraqqiyot banki(XTTB), Xalqaro rivojlanish assotsiatsiyasi (XRA), Xalqaro moliya korporatsiyasi (XMK), Investitsiyalarni kafolatlash bo‘yicha ko‘p tomonlama agentlik, EKOSOS, YuNKTAD, YuNIDO.