Тайёрлаш ва уларнинг малакасини оширишни ташкил этиш бош илмий методик маркази

Анкета самарадорлигини таъминловчи шартлар: 
1) саволлар муаммонинг моҳиятини ёритишга хизмат қилиши лозим;
2) саволлар йирик ҳажмли ва ноаниқ бўлмаслиги керак; 3) саволлар ўқувчиларнинг 
дунёқараши, ёш ва психологик хусусиятларини инобатга олиш асосида тузилиши 
зарур; 4) саволларга тўла жавоб қайтарилиши учун етарлича вақт ажратилиши керак; 
5) анкета ўқувчиларнинг педагогик ва психологик тавсифномаларини тузиш манбаига 
айланмаслиги зарур;
6) жавоблар муайян мезонлар асосида пухта таҳлил этилиши шарт 
Педагогик кузатувни ташкил этишга қўйиладиган шартлар: 
кузатув жараёнида аниқ мақсадга эгалик; кузатишни тизимли равишда йўлга 
қўйиш; кузатишнинг ҳар бир босқичида муайян вазифаларни ҳал этиш; ҳар бир 
ҳолатнинг моҳиятини синчиклаб ўрганиш; хулоса чиқаришга шошилмаслик 
 

---

33 
курс иши, битирув малакавий ишлари, педагогик амалиёт ҳисоботлари муҳим 
восита бўлиб хизмат қилади. Метод маълум ўқувчига хос бўлган индивидуал 
имкониятни кўра олиш, баҳолаш ва уни ривожлантириш учун замин яратади.
 
9. Эксперт баҳолаш методи замонавий 
шароитда деярли барча соҳалара олиб 
бориладиган 
тажрибаларда 
жараёнида 
қўлланиладиган ва кенг оммалашган илмий-
тақиқот методлардан бири саналади. Кўп 
ҳолатларда шахсда креативлик сифатлари 
ва ижодий фаолият кўникмаларининг 
шаклланганлик 
даражасини 
аниқлаш 
психолог, педагог ва бевосита креативликка 
даҳлдор соҳаларнинг вакиллари – малакали 
мутахассислар 
иштирокида 
амалга 
оширилади. Аммо таълим жараёнида ҳамкорлик таълими тамойилларига 
мувофиқ талабаларнинг ўртасида ҳам уларнинг ўқув топшириқларини 
бажаришга нисбатан креатив ёндашувларининг самарадорлигини баҳолаш 
мақсадида эксперт гуруҳи шакллантирилиши ҳам мумкин. Бу гуруҳ талабалар 
томонидан тайёрланган ижодий маҳсулотлар ва уларнинг сифатини баҳолайди.
Шундай қилиб, замонавий шароитда таълим ва тарбия жараёнларининг 
сифатли, самарали ташкил этилиши ижтимоий зарурият сифатида кун 
тартибига қўйилмоқда. Мазкур заруриятнинг қондирилиши педагогларнинг 
юқори даражада касбий компетентлик, маҳорат ва малакаларга эга 
бўлишларини тақозо этади. Педагогларнинг таълим жараёнига креатив 
ёндашувлари талабаларда таълим олишга бўлган қизиқишни юзага келтиради, 
уларнинг ўқув-билиш фаолиятларини фаоллаштиришга ёрдам беради. 
Қолаверса, талабаларнинг мутахассис сифатида креатив сифат, ижодкорлик 
кўникма, малакаларини фаол ўзлаштиришлари учун зарур шароитни яратади. 
“Креатив педагогика” фанининг асослари талабалар ва педагогларда 
креативлик сифатлари ва ижоий фаолият кўрсатиш малакаларини самарали 
шакллантиришга хизмат қилади.