Taekvondo va sport faoliyati fakulteti mutaxassislik : taekvondo va sport faoliyati. Fan : taekvondo nazariyasi va uslubiyati

XULOSA..............................................................................................................
22
FOYDALANILGAN ADABIYOTLAR............................................................	25

KIRISH
Taekvondo, eng avvalo , o‘z – o‘zini himoya qilish tizimi sifatida yaratilgan. Aynan shu sababli mashg‘ulotlarning axloqiy jihatlariga va qo’llaniluvchi turli xildagi texnik harakatlarning to‘g‘ri bajarilishiga alohida darajada ahamiyat qaratiladi. Taekvondoni o‘rganish sinovlardan o‘tkazilgan tamoyillar va uslublar amaliyoti asosida amalga oshirilsagina, to’g’ri hisoblanadi. ma’lumki, odam o‘zining kundalik hayotida umumiy kuch – g‘ayratining taxminan 10 – 15% qismidan foydalaniladi.
Taekvondoni o‘rganuvchilarning vazifasi aynan majmuaviy holatdagi mashg‘ulotlar asosida o‘z tanasining quvvatidan maksimal darajada foydalanishga erishish bilan bog‘liq.
Jismoniy tarbiyada yuksak kvalifikatsiyaga ega bo‘lgan sportchilarni, ayniqsa, yillik ( makro ) silk davomida tayyorlash bo‘yicha aniq holatdagi tizim ishlab chiqilgan. Bu holat tabiiyki, o‘xshash sport turlarida mashg‘ulot bo’yicha to’plangan tajriba va amalga oshirilgan tadqiqotlar natijalaridan Taekvondoda tayyorgarlikni takomillashtirish uslubiyatini ro‘yobga oshirishda foydalanish imkoniyatlari haqida fikr yuritishga undaydi. Bunda aniq tarzdagi ko‘rsatma va tavsiyalarni taklif qilish emas, balki sportchilarning tayyorgarligini belgilab beruvchi omillarning mazmun – mohiyatini umumiy holatda tushunishga e’tibor qaratilishi talab etiladi.
Sportchilar tayyorgarligining takomillashtirilishi 4 yillik Olimpiya o‘yinlari sikli bo‘yicha rejalashtiriladi, bunda alohida yillar davomida ma’lum bir ustuvorlikka ega bo‘lgan yo‘nalishlar belgilab olinadi, jumladan, bir vaqtning o‘zida sportchilarning har bir yillik siklda uyg‘un holatdagi rivojlanish tavsiflari hisobga olinadi.