Tadqiqotning maqsadi: ko’rish sezgisida ranglar kontrastining hosil bo’lishini tekshirish. Tadqiqot uchun zarur jihozlar

1- LABORATORIYA MASHG’ULOTI ( 2 soat)
Mavzu. Ko’rish sezgisida izchil ranglar kontrastining hosil bo’lish qonuniyati.

Tadqiqotning maqsadi: ko’rish sezgisida ranglar kontrastining hosil bo’lishini tekshirish.

Tadqiqot uchun zarur jihozlar: kattaligi 48 x 64 sm bo’lgan oq qogoz varaqlari; ularga 15 x15 sm kattalikdagi yashil, qizil, ko’k, sariq rangli kvadratlar qirqib yopishtirilgan, oq rangli ekran.

Tadqiqotning borishi: tajribani tabiiy kunduzgi yoruglik sharoitida yoki kunduzgi yoruglikka yaqin bo’lgan nur taratadigan lampalar yorug’ligida o’tkaziladi.

Tajribada ishtirok etayotgan talabalar xonada shunday o’tkaziladiki, ularning har biriga rangli kvadrat to’ppa-to’gri ko’rinib turadigan bo’lsin.

Kvadratlar ulardan 4 m gacha uzoqlikda o’rnatiladi. Talabalarga 20—40 sekund maboynida rangli kvadratlarga qarash, keyin esa o’z nigohini ekranga ko’chiqish hamda unda rangli kvadrat paydo bo’lmaguncha nigohni uzmay turish taklif qilinadi. Bunda turli kishilarda izchil ranglar kontrasti turlicha kechishini ta`kidlab o’tish zarur.

Oldindan tayyorlab qo’yilgan barcha rangdagi kvadratlar bilan tajribani takrorlash zarur.

Tajribalar tamom bo’lganidan keyin ularning natijalarini yozib olish, yozilayotgan kvadrat rangini belgilash hamda izchil kontrastda paydo bo’layotgan ranglar tonini ko’rsatib yozish zarur. Bunda izchil kontrastlar harakatdan keyingi hodisa natijasi ekanligini ta`kidlab o’tish zarur. Qo’zgovchi ta`sirining to’htashi reseptordagi qo’zgalish jarayonini hamda analizatorning miya po’stlogi qismidagi qo’zgalishlarni o’sha zahoti to’htatmaydi.