Tadqiqot metodologiyasi

XULOSA
Olib borilgan tadqiqotlar natijasida bir qator xulosalar shakllantirildi.
 
Birinchidan, mamlakatda amalga oshirilayotgan ijtimoiy islohotlar 
aholining muhtoj qatlamlarini ijtimoiy himoya qilishga qaratilgan bo’lib, 
taraqqiyotning strategik maqsadlariga mos keladi. Aholini ijtimoiy qilishni
mavjud tamoyillar asosida tashkil etish, kam ta’minlanganlikning 
muammolarini aniqlash, uning salbiy oqibatlarini bartaraf etish, ijtimoiy 
tengsizlikni kamaytirish hamda ijtimoiy xizmatlar ko‘rsatish sifatining oshishini 
ta’minlashga xizmat qiluvchi tashkilotlar faoliyatini yo’lga qo’yishga zarurat 
tug’ilmoqda. 
Ikkinchidan, oxirgi yillarda mamlakatimizda ijtimoiy himoya tizimining 
samaradorligini oshirishga yo‘naltirilgan yangi qonun hujjatlari va normativ 
huquqiy-hujjatlarni qabul qilinayotganligi, amaldagi hujjatlarga o‘zgartirish va 
qo‘shimchalar kiritilayotganligiga qaramasdan, usbu tizimni yanada samarali va 
shaffoflik 
asosida ishlashini ta’minlash maqsadida huquqiy bazani 
mustahkamlashga ehtiyoj sezilmoqda.

---

Uchinchidan, tahlillar shuni ko’rsatmoqdaki, ijtimoiy nafaqalardan 
tashqari aholining ehtiyojmand qismini qo’llab-quvvatlash maqsadida imtiyozli 
kreditlar, subsidiyalar va boshqa ko’rinishdagi moliyaviy yordamlar berilishiga 
qaramasdan, davlat byudjeti xarajatlari tarkibida ijtimoiy himoya xarajatlari 
nisbatan kam ulushni tashkil etsada, undan foydalanuvchilar soni va unga mos 
ravishda xarajat summasi oshib bormoqda. 
To‘rtinchidan, respublika va mahalliy byudjetlardan moliyalashtiriladigan 
ijtimoiy himoyaning yangi shakl va usullaridan foydalanish, ijtimoiy himoya 
xarajatlarini amalga oshirishda byudjet intizomiga qat’iy rioya qilinishini 
ta’minlash va bu borada jamoatchilik nazoratini keng yo’lga qo’yishni tizimli 
tashkil etish muhim ahamiyat kasb etmoqda.
Beshinchidan, mamlakatimizda aholini ijtimoiy himoya qilishning 2030 
yilgacha Milliy strategiyasi Xalqaro mehnat tashkiloti, YUNISEF, BMT 
Taraqqiyot Dasturi va Jahon bankining etakchi mutaxassislaridan iborat 
ekspertlar guruhi ishtirokida ishlab chiqildi. Ijtimoiy himoya bo‘yicha milliy 
strategiyadan jahon andozalariga mos ravishda kambag‘allikni kamaytirish va
ijtimoiy himoyani kuchaytirishni ta’minlashga erishishda samarali foydalanish 
maqsadga muvofiqdir. 
Shakllangan xulosalar asosida quyidagi takliflarni bildirishni maqsadga 
muvofiq deb topdik. 
Birinchidan, 
byudjetdan 
moliyalashtiriladigan 
ijtimoiy 
himoya 
xarajatlarini, xususan ijtimoiy nafaqalarni samaradorligini oshirish, 
manzilliligini ta’minlash maqsadida ularni tayinlash uchun ariza 
beruvchilarning muhtojlik darajasini aniqlash mezonlarini soddalashtirish 
hamda nafaqalarni tayinlash va to‘lash jarayonlarini tezlashtirish zarur. Bu holat 
kam ta’minlangan oilalarni ijtimoiy nafaqalar bilan qamrab olinish darjasini 
kengaytiradi va nafaqa tayinlash muddatini tezlashtiradi. 
Ikkinchidan, davlat byudjeti mablag‘lari hisobidan aholini ijtimoiy 
himoyalsh maqsadida berilayotgan imtiyozli kreditlar o’rniga subsidiyalar berish 
tizimini rivojlantirish maqsadga muvofiqdir. Sababi, bir tomondan, ijtimoiy 

---

himoyaga muhtoj aholini foizi kam bo’lsada kreditni to’lash masalasi ushbu
imkoniyatdan foydalanishga to’sqinlik qilishi mumkin. Ikkinchi tomondan 
xizmati uchun tijorat banklariga ham foiz to’laydi.
Uchinchidan, amalga oshirilayotgan ishlarning samarali natijasi hamda 
nazoratni ta’minlashni yo’lga qo’yish maqsadida aholini ijtimoiy himoya qilish 
sohasida davlat siyosatini amalga oshirish uchun mas’ul bo‘lgan yagona organ 
belgilanishi kerak.
To‘rtinchidan, chin yetim yoshlarni uy-joy bilan ta’minlash, og‘ir turmush 
sharoitida kun kechirayoygan, boshpanasiz qolgan shaxslarni va oilalarni uy-
joy bilan ta’minlash maqsadida mahalliy byudjetlarning rejadan ortiq
tushumlari hisobidan uy-joylar qurish yoki sotib olish tartibini yolga qo’yilsa 
maqsadga muvofiq bo’lar edi.