Тадбиркорлик (бизнес) ҲУҚУҚИ

Тадбиркорлик шартномасининг предмети 
- Бир тарафнинг 
иккинчи тараф фойдасига мажбуриятларни бажариш бўйича амалга 
ошириши керак бўлган ҳаракатлари натижаси бўлган етказиладиган 
маҳсулот, бажариладиган ишлар ёки кўрсатиладиган хизматлар. 
Тадбиркорлик шартномасининг тарафлари 
– шартномага 
имзо қўйиш ёки бошқа тарзда шартномада юзасидан ҳуқуқларга эга 
бўладиган ва мажбурият(лар)ни зиммасига оладиган шунингдек, 
шартномада номи тараф сифатида эътироф этилган шахс. 
Ташқи бошқарув 
– хўжалик суди томонидан қарздор юридик 
шахсга нисбатан унинг тўлов қобилиятини тиклаш мақсадида 
қарздорнинг ишларини бошқариш ваколатларини ташқи бошқарувчига 
ўтказган ҳолда қўлланиладиган банкротлик таомили. 
Тижоратчи бўлмаган ташкилот - 
фойда олишни ана шундай 
мақсад қилиб олмаган ташкилот юридик шахс. 

---

Глоссарий 
15 
Тижоратчи ташкилот - 
фойда олишни ўз фаолиятининг асосий 
мақсади қилиб олган юридик шахс. 
ТИФ ТН 
– Ўзбекистон Республикаси ташқи иқтисодий 
фаолиятининг Товар номенклатураси (2012 й.). 
Транзит 
– товарлар Ўзбекистон Республикасининг икки 
божхона органи ўртасида, шу жумладан чет давлат ҳудуди орқали, 
бож, солиқлар ундирилмасдан, шунингдек товарларга нисбатан 
иқтисодий сиёсат чораларини қўлланмасдан божхона назорати остида 
олиб ўтилиши. 
ТСОЯЭАТ 
– реал вақтда ишлайдиган Ташқи савдо 
операцияларининг ягона электрон ахборот тизими. 
Тугатишга доир иш юритиш 
– хўжалик суди томонидан 
кредиторларнинг талабларини мутаносиб равишда қондириш ҳамда 
қарздорни қарзлардан қутулган деб эълон қилиш мақсадида банкрот 
деб топилган қарздорга нисбатан қўлланиладиган банкротлик таомили. 
Факторинг 
– етказиб берилган товарлар, бажарилган ишлар ёки 
кўрсатилган хизматлар учун тўловчи томонидан акцептланган, лекин 
тўлов талабномалари бўйича ҳақи тўланмаган тўловни регресс 
ҳуқуқисиз етказиб берувчи (мижоз) томонидан банк (молиявий 
агент)га ўтказиш. 
Форс-мажор 
– томонларнинг иродаси ва фаолиятларига боғлиқ 
бўлмаган табиат ҳодисалари (зилзила, кўчки, бўрон, қурғоқчилик ва 
бошқалар) ёки ижтимоий-иқтисодий ҳолатлар (уруш ҳолати, қамал, 
давлат манфаатларини кўзлаб импорт ва экспортни тақиқлаш ва 
бошқалар) сабабли юзага келган шароитларда томонларга қабул 
қилинган мажбуриятларни бажариш имконини бермайдиган 
фавқулодда, олдини олиб бўлмайдиган ва кутилмаган ҳолатлардир.