Тадбиркорлик (бизнес) ҲУҚУҚИ

Ишлаб чиқариш кооперативи 
- фуқароларнинг шахсий 
иштирок этиш ҳамда аъзоларнинг (иштирокчиларнинг) мулк билан 
қўшиладиган пай бадалларини бирлаштириш асосида биргаликда 
ишлаб чиқариш ёки бошқа хўжалик фаолиятини олиб бориш учун 
аъзолик негизидаги ихтиёрий бирлашмаси. 

---

Глоссарий 
12 
Келишув битими 
– тарафларнинг суд низосини ўзаро ён бериш 
асосида тугатиш тўғрисидаги битими. 
Кредит 
(лот. 
creditum 
– ишонмоқ) – бошқа шахсга муддатлилик, 
қайтаришлилик ва фойдаланганлик учун фоиз шаклида тўловлилик 
шартлари асосида вақтинча бериладиган пул маблағлари, товар ва 
бошқа қимматликлардир. 
Кредит ахбороти 
– кредит битимининг ҳолати, берилган 
таъминот бўйича (гаров, кафолат, кафиллик, кредитни тўламаслик 
хавфини суғурталаш ва таъминотнинг бошқа турлари бўйича) 
мажбуриятларнинг бажарилиши ҳақидаги маълумотлар, шунингдек 
кредит ахбороти субъектининг кредит қобилиятини, молиявий 
ҳолатини, тўлов қобилиятини, тўлов интизомини ва ўзга сифатларини 
аниқлашга кўмаклашувчи бошқа ахборот. 
Кредит линияси 
(револьвер) – кредит шартномасида 
белгиланган муддат ва лимит доирасида, сўндирилган кредит қисми 
қайта ўзлаштирилиши мумкин бўлган кредит. 
Кредит сиёсати 
– кредитлаш жараёнида юзага келувчи 
таваккалчиликни бошқаришда банк раҳбарияти томонидан қабул 
қилинадиган чоралар ва услубларни белгиловчи ҳамда банк 
раҳбарияти ва ходимларини кредитлар портфелини самарали 
бошқаришга доир кўрсатмалар билан таъминловчи ҳужжатдир. 
Тижорат банклари кредит сиёсати алоҳида ҳужжат сифатида ишлаб 
чиқарилади ва банк Кенгаши томонидан тасдиқланади. 
Кузатув 
– хўжалик суди томонидан қарздор юридик шахсга 
нисбатан унинг мол-мулки бут сақланишини таъминлаш, қарздорнинг 
молиявий аҳволи таҳлилини ўтказиш мақсадида қарздорни банкрот деб 
топиш тўғрисидаги ариза қабул қилинган пайтдан эътиборан кейинги 
таомилга қадар қўлланиладиган банкротлик таомили.