Tabiiyot fakulteti

Farg’ona vodiysi landshaftlarini o’rganishga oid tadqiqotlar 

 

Landshaftlarga  oid tadqiqotlar:  V.M.Chetirkin  o’zining  “O’rta  Osiyo. Kompleks 

geografik  tavsif  va  rayonlashtirish  masalalari”  (1960)  monografik  asarida  1960 

yillargacha  O’rta  Osiyoda,  jumladan,  O’zbekistonda  landshaftlar  haqidagi  ilmiy 

g’oya,  qarashlarning  vujudga  kelishi,  shakllanishini  juda  chuqur  tahlil  qilgan. 

Landshaftlar haqidagi qarashlarni vujudga kelishi, rivojlanishida o’zlarining ilmiy 

hissalarini  qo’shgan  tadqiqotchilar  V.V.Dokuchayev  (1898-1900),  L.S.Berg 

(1938),  R.I.Abolin  (1929),    V.M.Chetirkin  (1947),  A.A.Grigorev  (1937,  1946), 

A.G.Isachenko  (1953,  1961,  1965),  N.A.Gvozdetskiy  (1973),  K.I.Gerenchuk 

(1984),  S.V.Kalesnik  (1947, 1952, 1970),  N.A.Solnsev  (1948, 1949),    F.I.Milkov 

(1956-1990) 

va  boshqalarning  landshaftlar  haqidagi  ilmiy  g’oyalarini 

rivojlantirgan holda keyinchalik Farg’ona vodiysining landshaftlari L.N.Babushkin 

(1954),  N.A.Kogay  (1964),  A.A.Abdulqosimov  (1983),  Yu.Sultonov  (1974)  va 

boshqa ko’plab tadqiqotchilarning ilmiy ishlarida rivojlantirildi va o’zining yangi 

ilmiy jihatdan asoslanishini topdi. 

 

Farg’ona  vodiysi  landshaftlarining  ilmiy  jihatdan  yanada  asoslanishi, 

landshaft  kartalarining  takomillashuviga  olib  keldi.  Chunonchi,  A.A.Rafiqov, 

V.Popov,  Sh.S.Zokirovlarning  tadqiqotlari  va  ilmiy  maslahatlari  asosida  1999 

yilda  “O’zbekiston  atlasi”  nashrdan  chiqarilib,  unda  O’zbekiston  hududi 

landshaftlari I:6 000 000 (19-bet) masshtabda berildi.