Tabiiy tolalar va matoga ishlov berish” kafedrasi

6. Eski halqani ilgak ustiga surish.

Eski halqani ilgak ustiga surish operatsiyasini bajarish uchun eski halqa avval igna o’zagi bo’ylab, so’ngra siqilgan ilgak bo’ylab suriladi (2.5-rasm).

7. Halqalarning birlashishi.

Bunda eski halqa ilgak bo’ylab harakatlanib, yangi halqa bilan uchrashadi va birlashish operatsiyasi bajariladi (2.6-rasm).

8. Halqani tashlash.

Halqa hosil qilish jarayonining ketma-ketligi bo’yicha eski halqa yangi halqa ustiga tashlanishi zarur, lekin bunga, igna ilgagi ostida joylashgan yangi egilgan ip qarshilik ko’rsatadi (2.7-rasm). Eski halqani yangi halqa ustiga tashlash uchun, uni yangi halqani hosil qiluvchi ipning ikki qalinligiga kengaytirish zarur. Demak, ilgak ostidagi yangi ip qanchalik yaxshi egilgan bo’lsa va iplar orasidagi ishqalanish koeffitsientlari qancha kam bo’lsa, eski halqani yangi halqa ustiga tashlash shunchalik yengil bajariladi. Kam eshilgan (krutka) ip eski halqani yangi halqa ustiga tashlash operatsiyasini yengillashtiradi.

2.7-rasm. Halqani tashlash