Tabiiy tolalar va matoga ishlov berish” kafedrasi

6-MAVZU: Ko’ndalangiga to’qilgan lastik, interlok va teskari trikotaj to’qimalarining tuzilishi va xususiyatlari.

Reja: 1.Ko’ndalangiga to’qilgan lastik to’qimasining tuzilishi va xususiyatlari

2.Teskari trikotaj to’qimasi tuzilishi, xususiyatlari va ularni loyihalash

3.Ko’ndalangiga to’qilgan interlok to’qimasining tuzilishi, xususiyatlari va loyihalash
Ikki qavatli ko’ndalangiga to’qilgan trikotaj bir yoki bir necha iplardan to’qilgan bo’lib, bunda har bir ip bitta halqa qatorida, ham trikotajning old tomonida, ham uning orqa tomonida barcha halqalarni yoki bo’lmasa, bir necha halqalarni (ikkitadan ko’p halqalarni) ketma-ket hosil qiladi.

Ikki qavatli ko’ndalangiga to’qilgan trikotaj o’z navbatida ikki guruhga bo’linadi:

1. Old tomonli trikotaj, bu trikotaj to’qimasining ikkala tomoni old va orqa halqalar ustunchalari aralashmalaridan iborat bo’ladi.

2. Orqa tomonli trikotaj, bu trikotaj to’qimasining ikkala tomoni old va orqa halqalar qatori aralashmasidan hosil bo’ladi.

Old va orqa tomon halqalarining turli aralashmalaridan turlicha trikotaj to’qimalari hosil qilish mumkin.

Ikki qavatli ko’ndalangiga to’qilgan trikotaj to’qimasi bir qavatli trikotaj to’qimalariga o’xshash bosh va hosilali to’qimalarga bo’linadi. Ikki qavatli ko’ndalangiga to’qilgan bosh to’qimalar qatoriga quyidagilar kiradi: 1. Lastik to’qimasi; 2. Teskari to’qima.

Ikki qavatli hosilali to’qimalar qatoriga quyidagilar kiradi:

Hosilali lastik - ikki yoki undan ko’p lastik to’qimalari aralashmasidan hosil bo’lgan to’qima.

Hosilali teskari to’qima - ikki yoki undan ortiq teskari to’qimalar aralashmasidan hosil bo’lgan to’qima.