Tabiiy tolalar

3-rasm. Uzlukli tandalash rоmi

Afzalligi, ip tarangligi dоimiy bo`ladi, rоm o`lchamlari ancha kichik, uzuqlarni bartaraf etishga kam vaqt sarflanadi, оlingan o`ramning sifati ancha yuqоri bo`ladi.

Kamchiligi, bоbinalarni almashtirishga ko`p vaqt sarflanadi, bоbinalardagi ip uzunligi bir xil bo`lishi talab etiladi, ip uzunliklarining farqi hisоbiga chiqindi ko`payib ketishi kuzatiladi.

4-rasm. Rangli tanda iplarini romda joylashuvi.

Uzlukli tandalashda taranglikning bir xil bo‘lishi o‘ramning sifatli shakllanishiga sabab bo‘ladi. Zahira bobinaning yo‘qligi rom o‘lchamini kichik maydonda bo‘lishini ta‘minlaydi. Uzilishlar soni nisbatan kam bo‘ladi. Lekin, mashinaning unumdorligi past bo‘ladi, bobinalarda qolgan iplarni qayta o‘rab olish talab qilinadi.

Romlar temir asosdan iborat bo‘lib, ularda bobina tutgichlar, ip yo‘naltiruvchilar, taranglovchi moslamalar va ip uzilganda mashinani avtomatik tarzda to‘xtatishga mo‘ljallangan kontakt ilgaklari va xabar beruvchi asboblar joylashtirilgan. Romlarning tuzilishiga quyidagicha talablar qo‘yilgan:
-kiruvchi o‘ramalar mustahkam va ishonchli joylashishi kerak;
-ip oson yechilib chiqishi va o‘tishini kuzatish qulay bo‘lishi kerak;
-o‘rnatilgan barcha bobinalardan yechilib chiqayotgan iplar uchun imkoniyat boricha bir xil taranglik hosil qilinishi va ip taranglovchi moslamalarning bir joydan boshqarilishini ta‘minlashga erishish kerak;
-iplarni uzluksiz nazoratini ta‘minlash kerak;
-barcha bobinalarga xizmat ko‘rsatish qulay bo‘lishi kerak.
Quyida turli tuzilishdagi tanda romlariga tavsif berilgan:
Benninger firmasi birinchi bo‘lib, oddiy tanda romlari (romlar bir-biriga parallel joylashgan ) dan farqli o‘laroq, romlari bir-biriga nisbatan V harfi shaklida joylashtirilgan Ben-creel tanda romini taklif qildi. Mazkur rom Benninger firmasining guruhlab tandalash mashinalari bilan birga o‘rnatilganda tandalash tezligi 1200 m/min gacha bo‘lib, tandalash mashinasining yuqori unumdorlikda ishlashini ta‘minlanishi mumkin.