Tabiiy materiallar bilan ishlash darslarining mazmuni. 19/1 guruh. Reja

Organik shisha - Organik shisha oddiy shisha singari shaffof, ammo sinmaydigan su’niy plastmassadir.

Yog’och - eng ko’p tarqalgan materil bo’lib, o’quvchilar mashg’ulotlarda ko’p tarqalgan daraxt turlari bilan tanishib chiqishlari kerak.

Qarag’ay - ko’p tarqalgan ishlov berish oson daraxtdir. U unchalik qattiq emas, ammo pishiq, yorish, arralash oson, tolalari bo’ylab randalanadi.

Qoraqarag’ay - yaxshi ishlanadi, uning yog’ochi oq rang ba’zan sarg’ish bo’ladi. Biroq qoraqarag’ayda butoqlar ko’p quriganda yorilib ketadi.

Qayin - Qarag’ayga nisbatan pishiqroq va og’irroq, biroq oson arralanadi va randalanadi, qayin yoqimli qizg’ish tovlanuvchan oq-sariq rangda bo’ladi.

Eman - yog’ochi qattiq, u pishiq va zich hamda og’ir, chiroyli jigar rangga ega. Toqterak - asosan mayda buyumlar yasashda foydalaniladi. Yog’ochi yumshoq anchagina yengil.

Fanera - Yog’ochdan shponlar qilinadi, fanerani mana shu shponlar - yog’ochning payraha qilingan yupqa qatlamlari yelimlab yasaladi.

Mozaika - buning uchun yupqa yog’och plastinkalardan tasvir yig’iladi va keyin ularni asosga yelimlab, ustidan lak yoki politra beriladi.

Quritilgan barg va maysalardan buyum yasash. Quritilgan barg va maysalardan turli xil applikatsiyalar yasash mumkin. Bargning yoz paytdagisi yashil, kuz paytdagisi sariq rangda bo’ladi. Shu sababli har ikkala rangdan oqilona foydalanib tasvir hosil qilish mumkin. Buning uchun bargni quritish lozim. Quritish uchun bargni kitob orasiga tekislab qo’yiladi. Maysalarni ham shu usulda quritiladi yoki qog’oz orasiga qo’yib, dazmollash ham mumkin. Yelimlash uchun PVA yoki BF yelimidan foydalaniladi. Applikatsiya mavzusiga moslab bargni tanlanadi va ma'lum tasvir asosida yopishtiriladi.

Somondan narsalar yasash. Somondan ham applikatsiyilar, dekorativ pannolar yasashni o’rgatish mumkin. Buning uchun avval somon kerakligicha mo’ljallab olinadi va har birini uzunasiga qaychi uchi bilan teng ikkiga ajratib qirqiladi. Qirqilgan poyalarni namli qilib, dazmollanadi. Dazmolning issiqliq darajasi orqali somonga rang berish mumkin. Ya'ni qizdirilganda och sariq, kuchli qizdirilganda qizg’ish sariq rangga kiradi. Buyumlardagi soya tasvirni berishda och va qizg’ish-sariq ranglardagi somondan foydalaniladi. Somon va shunga o’xshash tabiiy materiallar kartondan yasalgan quti yoki polietilen xaltachalarda saqlanadi, Boshqa bir qancha tabiiy materiallarni deyarli ishlov bermasdan qo’shimcha qism va shakllarni plastilin, loy, qog’oz va karton, gazlama va ip bo’laklari, simlardan tayyorlab yopishtirib har xil shakldagi qush, hayvon va jonivorlarni tasvirlash mumkin.