Tabiiy gazdan monoetanol olish texnologiyasi va asosiy jixozni hisoblash. Кириш

3 –босқич - Этаноламин ишлаб чиқариш: Этаноламин ишлаб чиқариш жараёни Leonard Process ва Scientific Design (АҚШ) фирмалари томонидан ишлаб чиқилган бўлиб: моно - , ди – ва триэтаноламинлар – оддий аминоспиртлар ишлаб чиқаришга мўлжалланган. Улар амалиётда кенг қўлланилиб коррозия ингибиторлари, нордон газлар учун абсорбентлар сифатида; детергентлар, эмульгаторлар, фармацевтика препаратларини олиш учун полуфабрикатлар сифатида ва бошқа бир қанча мақсадлар учун ишлатилади.
Жараён бир босқичда амалга оширилади. Бунда, моно - , ди – ва триэтаноламин ҳосил бўлиши реакциялари бир вақтда кечади:
NH₃ + H₂C – CH₂ NH₂ CH₂ CH₂ OH

NH₂ CH₂ CH₂ OH + H₂C – CH₂ NH (CH₂ CH₂ OH)₂

NH (CH₂ CH₂ OH)₂ + H₂C – CH₂ N (CH₂ CH₂ OH)₃

Раекцион аралашмаларда иштирок этувчи кўрсатилган уччала аминоспиртлар нисбати реакция учун ишлатилаётган аммиак миқдорига боғлиқ. Кўп миқдордаги ортиқча аммиак моно - , ди – ва триэтаноламинни ҳосил бўлишига стехиометрик мойил, худи шу сингари этилен оксидининг ортиқчаси ҳам триэтаноламиннинг чиқиши ортишини таъминлайди. Аммиак ва этилен оксиди ўртасидаги ўзаро таъсир реакцияси 7 – 10 МПа босим, 90 – 130 ⁰С температура ва берилган жараён учун катализатор вазифасини бажарувчи кам миқдордаги сув иштирокида боради.

Аммиак билан этилен оксиди орасидаги реакция 130 ⁰С температура, 7 МПа босим ҳамда, аммиак / этилен оксиди моль нисбати 15 : 1 га тенг бўлган шароитда амалга оширилганда, 78,3 % моно -, 16 % ди - , 4,4 % триэтаноламин таркибга эга бўлган реакция маҳсулоти олинади. Этаноламинни Leonard Process фирмаси услуби бўйича олиш қурилмасининг технологик схемаси қуйидаги расмда тасвирланган.

Расм. Leonard Process фирмаси усули бўйича этаноламин ишлаб чиқариш қурилмаси схемаси:
1-реактор; 2 – 6 – ректификацион колонна. Линиялар: I – аммиак; II – этилен оксид; III – рециркуляцион аммиак; IV – рециркуляцион сув; V – моноэтаноламин; VI – диэтаноламин; VII – триэтаноламин. Этилен оксиди аммиак ва 3 колоннадан рециркуляцияга берилаётган балансдаги сув билан аралаштирилиб реактор 1 га берилади. Реактордан чиқишда реакцион масса 1,5 – 2,0 МПа босимгача дросселланади. Сўнгра, реакцияга киришмаган аммиакни ҳайдаб, кейинчалик рецеркуляцияга йўналтирувчи буғлатиш колоннаси 2 га берилади. Таркиби этаноламин ва кам миқдорда сув бўлган колонна 2 нинг куб маҳсулоти нормаль босимгача дросселланади ва 3, 4, 5 ҳамда 6 колонналардан таркиб топган ректификацион блокга берилади. Бу ректификацион блокда мос равишда сув, моноэтаноламин, диэтаноламин ва триэтаноламин ҳайдалади. Колонна 3 юқорисидан олинаётган сув синтези жараёнларига рециркуляция учун йўналтирилади. 4, 5 ва 6 колонналардан ҳайдаланаётган моно - , ди – ва триэтаноламинлар сақлаш учун сиғимларга узатилади. Баъзида эса, зарурат туғилганда дастлабки хом ашё аралашмаси билан аралаштириш учун рецеркуляцияга берилади. Ректификациялаш натижасида моноэтаноламин, диэтаноламин ва триэтаноламинлар олинади. Уларнинг таркиби мос равишда 99 %, 98 % ва 99 % асосий моддадан таркиб топган. Аммиак ва этилен оксиди ҳисобига этаноламин чиқиши – 95 % дан юқори бўлади.