Tabiiy fanlar fakulteti

Kimyo sanoati chiqindilarini bevosita mikroo‘g‘it sifatida foydalanilganda g‘o‘zaning hosildorligini o‘zgarishi

Variant		Hosildorlik, kg						Hosildorlik, mos holda kg/ga
№	kg chiqindi/sotix	Terimlar				Jami
		I	II	III	IV
1	3,0	21	15	8	2		46		4600
2	4,0	22	15	8	3		48		4800
3	5,0	22	16	10	3		51		5100
4	6,0	21	15	8	3		47		4700
5	7,0	21	15	7	3		46		4600
Nazorat (chiqindi solinmagan)		20	16	7	2		45		4500

Tadqiqotlarimiz 5 xil variantda olib borildi (Nazorat sifatida mikroo‘g‘it berilmagan maydonlar olindi):

1. 
   1 sotix maydonga – 3 kg chiqindi (gektariga 300 kg hisobida);
   
2. 
   1 sotix maydonga – 4 kg chiqindi (gektariga 400 kg hisobida);
   
3. 
   1 sotix maydonga – 5 kg chiqindi (gektariga 500 kg hisobida);
   
4. 
   1 sotix maydonga – 6 kg chiqindi (gektariga 600 kg hisobida);
   
5. 
   1 sotix maydonga – 7 kg chiqindi (gektariga 700 kg hisobida).
   

Samarqand kimyo kombinati chiqindilari paxta maydonlariga yerni haydash oldidan berildi. Har bir variant bo‘yicha maydonlardagi paxtaning hosildorligi aniqlandi. Tajriba natijalari 3.2.1-jadval va 3.1-chizmada berilgan.


3.1-chizma. Kimyo sanoati chiqindilarini bevosita mikroo‘g‘it sifatida foydalanilganda g‘o‘zaning hosildorligini o‘zgarishi.
Jadval va chizmalardan ko‘rinib turibdiki, Samarqand kimyo kombinati chiqindilaridan to‘g‘ridan to‘g‘ri mikroo‘g‘it sifatida foydalanish g‘o‘za hosildorligiga sezilarli darajada ta’sir qiladi. Faqat ushbu chiqindilardan me’yoriy miqdorda yerga berish zarur. Tajribalar natijasida ma’lum bo‘ldiki, chiqindilarni gektariga har xil miqdorda berish g‘o‘za hosildorligini turlicha darajada oshirdi. Bir sotix maydonga 3 kg (gektariga 300 kg) mikroo‘g‘it berilganda hosildorlik nazorat variantiga nisbatan 2,2%ga oshirish mumkin. Xuddi shu tarzda 4 kg, 5 kg, 6 kg va 7 kg mikroo‘g‘it berilgan variantlarda g‘o‘za hosildorligi mos tarzda 6,7%, 13,3%, 4,4% va 2,2%ga ortishi kuzatildi. Yuqoridagilardan xulosa qilib aytish mumkinki, Samarqand kimyo kombinati chiqindilarini to‘g‘ridan to‘g‘ri mikroo‘g‘it sifatida foydalanilganda, gektariga 500 kg miqdorda berish, eng yuqori hosil olish(nazoratga nisbatan 13,3% ko‘p) imkonini beradi.