Табиий шифо воситалари 3-китоб тошкент

Олчадан доривор қайнатмалар тайёрлашга мисоллар: 

2 ош қошиқ миқдоридаги олча меваси солинган сирли идишга 400 мл 
қайноқ сув қуйилиб, у бошқа идишдаги сувда 20-30 дақиқа 
қайнатилади. Сўнгра у сувдан олиниб, совутилади ва сузилади. Бу 
қайнатма умуман қувватга киргизадиган восита сифатида овқатдан 
олдин ярим-бир стакандан кунига 2-3 маҳал ичилади. 

10 грамм миқдоридаги олча мевалари устига 200 мл қайноқ сув 
қуйилиб, идишдаги сув устида 10 дақиқа қайнатилади. Кейин 
совутилиб, сузиб олинади. Бу қайнатма гипертония касаллигида, ич 
кетарда, баданга шиш келганда, сийдик тош касаллиги ва бошқа 
касалликларда ичилади.
Олхўрининг фойдалилиги 
Олхўри (Слива домашняя) бўйи 12 метргача борадиган дарахт бўлиб, 
барглари тухумсимон ёки эллипссимон, баъзан ўткир тишли, қизғиш рангда 
бўлади. Гуллари – оқ, сал сарғиш. Мевалари ҳар хил катталикда бўлиб, тўқ 
қизил, сариқ рангда, хушхўр, нордонроқ ширин мазали, этдор бўлади. 

---

Аюпов Равшан Хамдамович 119 
Олхўри апрелда гуллайди ва мевалари июль-августда етилади. Унинг 
мевалари ва илдизлари доривор тариқасида ишлатилади.
Меваларида 17,2% гача қанд моддалари, бироз миқдорда оқсиллар, 
клетчатка, органик кислоталар (олма, лимон ва оксалат кислоталари), С, В
1
, 
В
2
, В
6
, Е, РР витаминлари, каротин, биотин, флавоноидлар, антоцианидлар, 
пектинлар ва минерал моддалар бор. 
Олхўрининг доривор сифатида ишлатилиши:
Мудом ич қабзият бўлиб юрадиган маҳалларда, атеросклероз ва жигар, 
ўт пуфаги яллиғланиш касалликлари, иситма ҳамда ревматизмда табиблар 
олхўри меваларини ейиш ва баргидан дори тайёрлаб ичишни буюрадилар. 
Олхўридаги калий тузлари организмдан ош тузи ва сув чиқишини 
кучайтиради ва шу сабабли олхўри гипертония, буйрак касалликлари ва 
подаграда бирмунча наф беради. Хитой халқ табобатида олхўри мевасини 
ҳўллигича ёки қайнатма холида қусишга қарши ва балғам кўчирувчи восита 
сифатида ишлатиш тавсия қилинади, мағзидан тайёрланган қайнатмани эса 
иссиқни туширувчи ва балғам кўчирадиган дори тариқасида берилади. 
Қадимги табиблар олхўри меваларини сурги, ўт хайдайдиган ва меъдани 
тозалайдиган дори сифатида буюришган. Олхўри елимидан эса сийдик-тош 
касалликлари ва кўз хиралашувига даво қилиш учун фойдаланишган.
Олхўрини ҳўллигича ейиш, қоқи қилиш, мураббо ва консервалар 
тайёрлаш учун кўп ишлатилади. Шу билан бир қаторда, унинг бир қанча 
шифобахш хусусиятлари борлиги замонавий табобатда ҳам аниқланган. Бу 
мева аритмия, камқонлик, атеросклероз билан оғриб юрган ва ичаги яхши 
юришмайдиган инсонларга айниқса фойдали. Олхўри иштаҳани очиб, овқат 
ҳазмини яхшилайди, витаминлар, органик кислоталар ва минерал тузлар 
манбаи бўлиб ҳисобланади. Унинг қоқисидан тайёрланган дамлама ва 
қайнатмалар ҳамда компотлар ични юмшатиб, бир қадар сийдик ҳайдовчи 
таъсир кўрсатади ҳамда қондаги холестерин миқдорини бир оз камайтиради.