Табиий шифо воситалари 3-китоб тошкент

Хонадаги гулларнинг саломатликка таъсири 
Уйда ўстириладиган ўсимликлар хам тирик организм бўлиб, инсонга 
ўхшаш қувватга эга, яъни улар ўзига хос қувват ва ҳаёт манбаидир. Улар уй 
хонаси ҳавосини яхшилаб, носоғлом одамлардан йиғилиб қолган носоғлом 
(салбий) энергияни ютиб, хонани тозалайдилар. Гуллар хонани тозалайдилар, 
улар ўзига хос «қувват» га эга бўлиб, карбонат ангидрид газини, ёмон сўз ва 
фикрларни ютиб, ҳавога тоза энергия ва кислород чиқаради, инсон 
саломатлигига ижобий таъсир этиб, юрагимизга енгиллик олиб келади. Геран 
ўсимлиги хонадаги ис ва захни тортиб олса, Лиана кўпинча хонанинг 
бурчакларида йиғилиб қолиб, бизга тушкун кайфият ва маъюслик олиб 
келадиган энергетик турғунликдан бизни ҳимоя қилади. Папоротник инсон 
аурасини яхшилаб, хонадаги ҳавони тозалайди, майда гулли Хризантема 
ўсимлиги эса ўзидан фитонцидлар чиқариб, инсон саломатлигини тиклаш 
учун хизмат қилади. Хлорофитум ўсимлиги хонадаги заҳарли газларни 
ўзига тортиб олиб, ҳавони тозалайди. Шу ва шуларга ўхшаш тувакларда 
ўстириладиган гулларни ухлаш ёки истиқомат қилинадиган хонанинг тўрт 

---

Аюпов Равшан Хамдамович 
18 
бурчагига жойлаштириш унда яшайдиганлар учун кони фойда ҳисобланади. 
Айниқса кўп қаватли бетонли уйларда яшовчи инсонларнинг ухлаш хонасида 
албатта ўзидан кислород чиқарадиган уй ўсимликлари бўлиши зарур.
Қонни тозалаш қандай амалга оширилиши мумкин 
Инсон ички аъзоларидаги қоннинг ифлосланиш сабаблари нотўғри 
овқатланиш, кўп миқдорда қовурилган овқатлар истеъмол қилиш, мева-
сабзавотлар ва полиз маҳсулотларини кам истеъмол қилиш, организмда, 
айниқса, қалқонсимон безда йоднинг миқдори камайиб кетиши, ҳаммомга 
бир ҳафтада бир марта тушмаслик, бадантарбия қилмаслик, суюқликни кам 
ичиш ва бошқалар бўлиши мумкин. Қонни тозалаш учун қуйидаги 
муолажаларни бажариш тавсия этилади: 
Беҳини ўта майин ва нафис ҳолда тўғраб, уни 5 литр сув солинган ёпиқ 
қозонда то сув 3 литр қолгунича қайнатилади. Кейин бу аталани иссиқ 
холда тўйиб ичиш қонни тозалайди, дардларга даво бўлади ва инсон 
организмига ижобий таъсир қилади. 
Сабзи билан олмани сиқиб, шарбатини ҳар куни ичинг. Шу билан бирга 
наъматакдан чой ичинг ва ҳар куни 7 дона чилонжийда ҳамда бир боғ 
отқулоқ – баргизуб истеъмол қилинг. 
Қонни тозалайдиган бошқа муолажалар қаторига қуйидагиларни киритиш 
мумкин: зайтун ёғи ва седанани эрталаблари ичиш, крапива (қичитқи ўт)
чойи ва тутни қўшиб истеъмол қилиш, куркума, дала ўти, ёнғоқ, писта, 
соя, ер нок, қорақант, гилос ва олмаларни наҳорга ейиш, сабзини 
қайнатиб, асал билан биргаликда истеъмол қилиш, ўрик, олма сиркаси, 
анор ейиш, ёғсиз майонез, брусника, петрушка, товуқ шўрва, олтин ёки 
кумушли сув, эчки сути ва чучук анорнинг 0,5 стакан шарбатини 0,5 
стакан сув билан аралаштирилиб ичилади.