Табиий шифо воситалари 3-китоб тошкент

Анжирнинг шифобахшлиги 
 
«Агар жаннатдан келган мевани айтишим керак бўлганда,
анжирни айтган бўлардим. Чунки жаннат меваларининг
гули йўқ. Бавосир (геморрой) ва суяк бўғимларида касали
бўлганлар бу мевалардан ейишсин» 
Ҳадиси шарифдан. 
 
Анжир барча меваларнинг фойдасини ўзида мужассамлантирган ва у 
қоннинг қуюқлигини сақлайди, қуюқ қонни суюлтиради, балғамни кетказади, 
яраларни тузатишга ёрдам беради, ичакларни очади ва бўшатади ҳамда барча 
касалликларда фойда беради. Ҳар куни эрталаб узум сиркасида 8-10 соат 
турган 3 дона қуруқ анжир еган киши, иссиқлик билан боғлиқ 
касалликлардан омон бўлиб, сафродан зарар кўрмайди. Ҳар куни тоза зайтун 
ёғи ичида бир кеча турган 3 дона анжир еган киши жигар касаллигига 
учрамайди. Анжир талоқ, буйрак, жигар ва қовуқдаги тиқилишларни очади. 
Ичакларни ишлатиб, бегона микробларни чиқариб юборади, соғломларини 

---

Аюпов Равшан Хамдамович 63 
жойлаштиради ҳамда саратоннинг олдини олади. Янги анжирни ювмасдан, 
пўсти билан ейиш тавсия этилади. Агар анжирни ювиш керак бўлса, 
ювилганидан кейин 3-4 соат кутиш керакки, устидаги фойдали моддалар 
кўпайсин. Ҳафтада бир-икки кунни фақат анжир билан ўтказиш жуда 
фойдали ҳисобланади. Анжирнинг шифобахш хоссаларидан қуйидагича 
фойдаланиш мумкин: 
 Анжир дармонсизликда, кўкрак оғриғида, бронхиал астма ва йўталда, 
буйрак ва қулоқ касаллигида, рангни тиниқлаштириш учун, юрак қон-
томир фаолиятини яхшилашда, камқонлик ва юрак қон-томирлари 
етишмовчилигида яхши даво воситаси ҳисобланади.
 Анжирдан қайнатма тайёрлаш учун унинг 400 грамм янчилганини 4 
литр сувда 15 дақиқа қайнатилиб, овқатдан олдин кунига 3 маҳал 100 
граммдан ичилади, оғиз чайилади ёки баданнинг касал жойига докага 
ҳўллаб, боғлаб қўйилади. 
 Қуритилган анжир барги ва илдизининг қайнатмаси меъда, ичак ва 
камқонлик касалликларини даволайди. Бунинг учун анжир қайнатмаси 
кунига 3 маҳал овқатдан 30 дақиқа олдин 100 граммдан ичилади. 
 Ич қотиш, сийдик ҳайдаш, нафас қисиш ва балғам кўчиришда анжир 
меваси сутда қайнатилиб, кунига 3 маҳал 100 граммдан 10 кун 
мобайнида ичилади. 
 Анжирнинг барги, ёш новдалари, етилмаган сутсимон мевалари 
ширинчаларга, сўгалларга, буйрак тошмаларига қарши қайнатилиб, 
кунига 3 маҳал оч ҳолда 100 граммдан ичилади. Бу қайнатмани 
ҳуснбузарларга қарши ҳам суртиш мумкин. 
 Анжир меваси қайнатмасини томоқ, қулоқ ости шишларида ичилса ёки 
шишларга қўйиб боғланса фойда беради. Анжирни анор пўсти ва оқ 
қанд билан қўшиб ишлатилса, милк касаллигини даволайди.
 Тузалиши қийин бўлган шишларга эса анжир мевасини эзиб, 
боғланади.

---

Аюпов Равшан Хамдамович 
64 
 Анжир қайнатмаси темираткига, эшакемига қарши суртилади ёки 
ичилади. 
 Ҳўл ва қуруқ анжир тутқаноққа қарши ёрдам беради – уни кунига 3 
маҳал 5 донадан 1 ой давомида истеъмол қилиш тавсия этилади.
 Анжирнинг ҳом талқони бошдаги яраларга сепилса, фойда беради. 
 Анжир жигар ва талоқ тиқилмаларини очишга кўмак беради. 
 Анжирнинг меваси ангина ва томоқ йўллари шамоллаганда даво 
ҳисобланади, мураббосини эса чой қилиб ичилса, фойда қилади.