Табиий фанлар факультети биология к а ф е д р а с и

Лаборатория машғулоти 2.
Бир ҳужайралилар кенжа олами (Протозоа). Эугленозоа типи: Эвгленалар (Еугленоидае) синфи. Вакиллари: эуглена виридис, эуглена граcилис. Тузилиши, хаётий хусусиятлари, кўпайиши.


Керакли жиҳозлар: арик, ҳовуз сувларидан олинган ёки лаборатория шароитида махсус урчитилган эвгленалар қўльтураси, микроскоплар, буюм ва қоплағич ойналар, томизгичлар, қирқилган фильтр қоғози бўлакчалари, йод эритмаси, эвглена, эвгленаларнинг тайёр микропрепаратлари ва уларнинг тузилишини акс эттирувчи жадваллар (эвгленанинг 4-5% ли формалинда фиксация қилинган материалдан фойдаланиш мумкин).

Эвгленалар чириган органиқ моддаларга бой бўлган кўлмак сувларда, ҳовузларда ва бошқа ифлосланган сувларда яшайди Лекин улар орасида эуглена аcус, э. спирогйра каби турлари ҳам учраши мумкин Эвгленанинг танаси дуксимон, кейинги учи ўткирлашган бўлади. Цитоплазмаси эндоплазма ва эктоплазмадан иборат бўлиб унинг усти юпқа эластик парда-пелликула билан қопланган. Шунинг учун ҳам эвгленанинг шакли нисбатан ўзгармасдир. Лекин ҳаракатланиш пайтида шакли ўзгариб, ҳатто у думалоқланиши ҳам мумкин (7-расм). Танасининг олдинги учида битта хивчини бор, у ҳаракатланиш оргоноиди. Унинг асосида эса ҳаракатни бошқарувчи базал танача жойлашган. Унга яқин жойда ёруғликни сезадиган, яъни қизил доғсимон "кўзча" стигмани кўриш мумкин. Эвглена цитоплазмасининг асосий оргоноидларидан яна биттаси қисқарувчи вакуола бўлиб, унинг атрофида бир нечта йиғувчи вакуолачалар мавжуд. Вакуола қисқарган пайтда сув, қолдиқ моддалар унинг ташқи муҳит билан тўташган резервуарига ўтади ва ташқарига чиқарилади. Эвгленанинг танасида хлорофилл доначаларига эга бўлган хроматофорлар бор. Шунинг учун ҳам улар ўсимликлар сингари фотосинтез йўли билан озиқланади. У ёруғлик таъсирида карбонат ангидрид гази ва сувдан углеводларни синтез қилувчи аўтотроф организмдир. Бу жараёнда ҳужайрада эхтиёж озуқа модда парамил (таркиби ўсимлик крахмалига яқин) тўпланади. Лекин эвглена коронги жойда сақланса, рангсизланади ва пелликуласи орқали сувда эриган органиқ моддаларни шимиб, сапрофит овқатланишга ўтади. Айрим эвгленаларнинг икки хил аўтотроф ва гетеротроф озиқланиши исботланган. Улар бир вақтнинг узида ҳам фатосинтез, ҳам сапрофит йўли билан озиқланадилар. Бу аралаш ёки миксотроф овқатланиш дейилади. Эвглена цитоплазмасида битта ядро бўлиб, у тананинг кейинги учига яқин жойлашади.