“Tabiat nematlari”

SHOLG’OM.Sholg’om urug’i qo’yib bog’lansa yoki osib qo’yilsa, yellarni haydaydi va chot oralig’idagi shishlarni qutqaradi. Suv va tuz bilan qaynatilganida ovqatligi kam bo’ladi. Uning eng yaxshisi semiz go’sht bilan qaynatilganidadir. Sholg’om sekin hazm bo’ladi. Go’sht bilan qo’shib qaynatilgan sholg’om kuchli oziq bo’ladi va buyrakni qizdiradi, me’dada uzoq vaqtgacha qoladi.

YALPIZ.U barcha iste’mol qiluvchi sabzavotlar ichida javhari, eng latifidir. Agar yalpiz shoxlari sutga tashlansa, sut ivimaydi, u shirasimon sirkaga solib ichilsa, ichdan qon oqishni to’xtatadi. Yalpizni ayniqsa, arpa uni bilan qo’shib bosh og’rig’iga qarshi, peshonaga qo’yib bog’lanadi. U bilan dag’allangan til ishqalansa, dag’alligi ketadi. Yalpizning shirasini asal suvi bilan aralashtirib, og’rigan quloqqa tomiziladi.

QOVOQ.Qovoqning pishirilgani yengil ovqat bo’lib, tezda o’tib ketadi. Pishirilgan qovoq issiq yo’talda foydalidir. Uning shirasi, ayniqsa, qizil gul yog’i bilan qo’shib ishlatilganda, issiq quloq og’rig’ini bosadi va miya shishlarida saramas va tomoq og’riqlarida foyda qiladi. Qovoqning qaynatilgani me’dadagi issiq chiqindilar uchun foydali bo’lib, ularni tushiradi, tish og’rig’iga qarshi qovoqdan olingan shira burunga tortiladi.