“Tabiat nematlari”

SARIMSOQ.Uning qaynatilgani va qovurilgani tish og’rig’ini bosadi. Pishirib ishlatilsa, ovozni va tomoqni tozalaydi, eski yo’tallarga va sovuqdan bo’lgan ko’krak og’riqlariga foyda qiladi. Sarimsoq nafas yo’llari shamollaganda, nafas qisishida, qorin dan bo’lganida balg’am ko’chiruvchi vosita sifatida ishlatiladi.

SABZI.Zotiljam va davomli yo’talga foyda qiladi. Hazmi qiyin, murabbosining hazmi yengildir. Sabzi teri kuyganida hamda sovuq urganida, shuningdek, bitishi qiyin bo’lgan yiringli yara va jarohatlarda qo’l keladi. Buning uchun ozor topgan joylarga sarxil sabzi qirg’ichdan o’tkazilgan holda qo’yiladi., yoxud sabzi sharbati bilan yuviladi. Sabzi sharbati bilan yallig’langan og’iz va tomoq chayiladi, chaqaloqlarning organizmi yaxshi rivojlanishi uchun ham sabzi sharbatidan foydalanish tavsiya etiladi.

TURP.Uning qaynatilgani eski yo’talga foyda qiladi, ovqatdan keyin yeyilsa ichni yumshatadi va ovqatni o’tkazadi. Sirka bilan aralashtirilgan urug’i qattiq qustiradi. Turpning bargi va bargining suvi jigardagi tiqilmalarni ochadi, sariq kasalligini yo’qotadi. Urug’i esa, qorindagi yelni tarqatadi. Ovqatning chiqishini osonlashtiradi. Ishtahani ochadi va jigar og’rig’ini qoldiradi.