Tabiat bilan tanishtirish va ekologik tarbiya fanidan O`qitish materiallari tayyyorlov yo`nalishi

O’yinning b o r i sh i. Tarbiyachi bolalarga tanish bo’lgan daraxtning bargini ko’rsatib so’raydi, bu barg qaysi daraxtdan uzilgan. Bolalar o’sha daraxtning oldiga borib ko’rsatishlari kerak. O’yin shu tariqa bolalar hamma tanish daraxtlarni ko’rsatib bo’lgunlaricha davom etadi, keyin tarbiyachi bargni ko’rsatmay biron daraxtning nomini og’zaki aytadi, bolalar o’sha daraxtning oldiga chopib borishlari kerak.
Xuddi shu o’yinni xonada quyidagicha variantda o’tkazish mumkin. Tarbiyachi hamma bolalarga tanish daraxtlarning rasmi, o’sha daraxtlarning mevasi tasvirlangan kartochkalarni tarqatadi. Tarbiyachi qaysi mevani ko’rsatsa, bolalar oldilaridagi meva tasviri tushirilgan kartochkani o’sha daraxt shoxiga ilib qo’nishlari kerak.
Bunday didaktik o’yinning topishmoqli varianti bolalarda yaxshi qiziqish uyg’otadi. Masalan, tarbiyachi quyidagi topishmoqni aytadi:
Bodom kabi yaprog’i,Sollonadi butog’i,
O’zi shirin, tukligina, Mazasi totligina.
(Shaftoli)
Malla to’ni sap-sariq,Murobbosi mazali.
Palovga bossa bo’lar,Podvolga ossa bo’lar.
(Behi)
Mayda, yoqutday qizil,Shirin, nordon, xilma-xil.
Qalin, taxir po’sti bor, Hamma yerda do’sti bor.
(Anor)
Bolalar mana shu o’simliklarning tasvirini yoki bargini ko’rsatishlari kerak va h. k. Xuddi shu o’yinni sabzavotlar bilan ham o’tkazish mumkin. Masalan:
Pak-pakana bo’yi bor,Qavat-qavat to’ni bor. (Piyoz)
Qat-qat to’nli, Qarich bo’yli.(Karam )
Yer tagida oltin qoziq,U hammaga bo’lar oziq. (Sabzi)
Bir barmoqcha bo’yi bor, Qizil baxmal to’ni bor(Garmdori)
O’rta guruh.
Ekskursiyaninng nomi: Boqqa maqsadli ekskursiya uyushtirish.
Ekskursiyaning maqsadi: Kuz fasli to’g’risidagi tasavvurlarni shakllantirishni davom ettirish: quyosh charaqlab turibdi, lekin isitmayapti: daraxtlarning barglari turli xil ranglarda: yashil, qizil, sariq, olov rang: meva va urug’lar turli shakl va ranglarda: qushlar uchib ketyapti: barglar to’qilyapti: odamlar to’qilgan barglarni to’playaptilar (ularni yondirish mumkin emas, ularni yerga ko’mish kerak). Bolalarni kuz libosiga burkangan daraxtlarning barglari, urug’lari, mevalariga qarab tanishga o’rgatish. Kuzatish ' mobaynida bolalarni quyidagi badiiy so’zlardan foydalanishga o’rgatish: «qo’g’irchoq», «go’zal», «shox», «malika». Kuzgi manzaraning go’zalligidan baxra olish. O’zaro aloqalarni misollar yordamida ko’rsatish.