T oshkent davlat stomatologiya instituti

Bu yuzada qon tomir va nervlar joylashishidan hosil bо‘lgan egatlar - sulci palatini kо‘rinadi. Ba’zi paytda о‘simtalarning о‘zaro birikkan medial qirralari sohasi qalinlashgan bо‘ladi va bо‘ylama tanglay tepaligi - torus palatinus hosil bо‘ladi. Kesuv tishlari joylashadigan chuqurchalar sohasida teshik foramen incisivum - kanalga - canalis incisivus ga davom etadi. Bu kanal burun va og‘iz bо‘shliqlariga ochiladi. Yuqori jag‘ suyagining tishlar joylashadigan alveolyar о‘simtasi - processus alveolaris va о‘simtaning tishlar joylashadigan ravog‘i arcus alveolaris deyiladi.
Bu о‘simtaning tashqi yuzasi og‘iz bо‘shlig‘i daxlizining devorini hosil qilganligidan facies vestibularis deyiladi. Tanglay tarafdagi yuza esa facies palatinus deb ataladi. О‘simtaning tishlar joylashadigan yuzasi limbus alveolaris deyilib, bu yuzada tish ildizlari joylashadigan chuqurchalar - alveoli dentales bо‘ladi. Bu chuqurchalar og‘iz bо‘shlig‘ining daxliziga bо‘rtib turadi va juga alveolaris deyiladi. Chuqurchalar orasida tо‘siqlar bо‘lib septa interalveolaria deyiladi. Kichik va katta oziq tishlardagi ildizlar bir nechta bо‘lganligidan bu tishlar joylashadigan chuqurchalarning tubi septa interradiculari vositasida bо‘linib turadi. Oxirgi tishlar joylashadigan chuqurchalarning orqasida alveolyar bо‘rtiq - tuber alveolaris hosil bо‘ladi. Yuqori jag‘ suyagining havo saqlaydigan bо‘shlig‘i - sinus maxillaris - burun bо‘shlig‘iga ochiladigan bо‘shliqlarning eng kattasi bо‘lib, tо‘rt devori bо‘ladi. Yuqori devori kо‘z kosasining pastki devoriga tо‘g‘ri keladi. Bu devordagi kо‘z kosasining pastki egat va kanallari bо‘shliqdan yupqa plastinka bilan ajralib turadi. Bu kanallardan о‘tayotgan qon tomir va nervlar ba’zida faqat suyak ust pardasi bilan ajralishi ham mumkin. Bо‘shliqning ichki devori burun bо‘shlig‘i bilan ajralib turadi. Bu sohadagi о‘rta havo yо‘llariga bо‘shliqning tirqishi - hiatus maxillaris ochiladi. Bо‘shliqning oldingi va yon devorlari yuqori jag‘ suyagi tanasining shu sohalariga tо‘g‘ri keladi. Bо‘shliqning ostki devorini yuqori jag‘ suyagining tanglay о‘simtalari va alveolyar о‘simtalar tashkil etadi.