T me/akrommalik

T.me/akrommalik 
 
www.facebook.com/akrom.malik2020 
 
–  Mirshabning  huzurida  o‘zingizni  to‘liq  tanitishingiz  shart,  –  dedi 
mirshabboshi. 
– Buni hech kim aytmadi, – dedi Аbdulloh. 
– Аytishadi, juda tushuntirib aytishadi, – dedi mirshabboshi. – Qanday 
jinoyat bilan keldingiz? 
Аbdullohning  ensasi  qotdi,  mirshabboshi  hamma  gapdan  xabardor 
ekanligiga uning ishonchi komil edi. Bila turib s
o‘rash, albatta, masxara va 
yerga urish ekanligi aniq. Shunday b
o‘lsa-da, o‘zini qo‘lga olib javob berdi: 
– Mushtlashuv. 
– Qanday mushtlashuv? – anqovsiradi mirshabboshi. 
– Mazlum uyg‘urni himoyalab, zolim xitoyni urdim. Shunga qamashdi, 
– dedi Аbdulloh. 
– Bu jinoyatingiz uchun necha yil qamoqda o‘tirishingizni bilasizmi? – 
dedi mirshabboshi. 
–  Men  jinoyat  qilmaganman,  –  dedi  Аbdulloh  keskin.  –  Men 
himoyachi talab qilaman! 
– Himoyachi? – hayron bo‘ldi mirshabboshi. 
– Ha, meni sudsiz bir necha kunki, ushlab turibsiz! – dedi Аbdulloh. – 
Men uyimga xabar berishim kerak. 
–  Sud?!  –  mirshabboshi  bu  so‘zni  umrida  ilk  marta  eshitayotgandek 
edi. 
–  Huquqiy,  qonuniy  ishlardan  xavotirlanmang,  mahbus.  Biz  bunday 
ishlarni  juda  maromiga  yetkazamiz.  Tergovchilaringiz  kelsa,  qolgan 
talablaringizni aytarsiz. 
–  Men  bu  yerda  na  qonunni,  na  huquqni  ko‘rmayapman!  –  dedi 
Аbdulloh. 
–  Kuyinmang,  mahbus,  –  taskin  berdi  mirshabboshi.  –  Bu  yerda 
k
o‘rganlaringizning  ko‘pini  ko‘rmaysiz.  Ko‘rmaganlaringizning  esa  juda 
k
o‘pini ko‘rasiz. Endi esa kamerangizga boring-da, tergovchingizni kuting. 

---